Rêxistina Mafên Mirovan a HRANA ragihand ku du xwişkên girtiyê siyasî Ekber Danişwerkar ê ji aliyê Îranê ve hatî darvekirin, Ekrem û Ezam Danişwerkar, ev du hefte ne ji aliyê hêzên ewlehiyê yên Îranê ve hatine binçavkirin.
HRANA destnîşan kir ku Ekrem û Ezam Danişwerkar, piştî serdanên wan ên berdewam ên li Girtîgeha Qizilhesar, tiba edlî û navendên dadweriyê bi mebesta wergirtina cenazeyê birayê xwe, ji aliyê hêzên ewlehiyê ve hatine binçavkirin.
Her wiha hate ragihandin ku ev gef û êrîş wekî zexteke li ser malbatên girtiyên siyasî yên ku daxwaza mafên xwe yên bingehîn dikin, tê dîtin.
Çavdêrên mafên mirovan vê yekê wekî hewldanek ji bo bêdengkirina dengê nerazîbûnên navxweyî û veşartina şopên darvekirinan şîrove dikin.
Navendên mafên mirovan hişyariyê didin ku pêkanîna cezayên nû û binçavkirina kesûkarên nêzîk ên çalakvan û girtiyên siyasî, di hefteyên dawî de bi awayekî berçav zêde bûye. Ev jî beşek ji siyaseta bêdengkirina malbatên qurbaniyane ku rê li ber her cûre kombûn û çalakiyên nerazîbûnê bê girtin.
