Ji WHO’yê Christian Lindmeier li Cenevreyê daxuyanî da û got, “Ev vîrûseke xeter e, lê belê xeteriya esas ji bo kesê enfektebûyî derbasdar e. Ji aliyê nifûsa giştî ve, xeteriya belavbûnê pir kêm e.”
Keştiya MV Hondius a Hollandayê ku navenda hişyariya tenduristiyê ya navneteweyî ye, ji ber şewbê bi rojan li peravên Giravên Pozê Kesk ma. Piştre roja çarşemê ji Kendava Praia veqetiya. Tê payîn ku keştî dawiya hefteyê bigihije lîmanê Tenerife ya li Giravên Kanarya ya Spanyayê. Tê plankirin ku nêzî 150 rêwî û muretebat di rojên pêşiya me de bên tehliyekirin.
Rayedaran ragihand ku heya niha 8 nexweşên hantavîrus hatine tespîtkirin, ji vane 3 kes mirin. Hat ragihandin ku kesên mirine 2 kesên Hollandayî ku hevjînên hev bûn û jineke Elman bûn.
Wezareta Tenduristiyê ya Fransa jî ragihand ku welatiyekî Fransî yê ku semptomên sivik nîşan dida, hate ragirtina îzolasyonê.
Hat diyarkirin ku ji hin rêwiyên keştiyê li Hollanda, Swîsre, Elmanya û Efrîqaya Başûr rakirine nexweşxaneyê yan jî di bin çavdêriya tibî de tên girtin.
Li dijî Hantavîrus heya niha aşiyeke hatî erêkirin yan jî tedawiyeke taybet, nehatiye dîtin.
