Di çarçoveya lêpirsîna ku ji aliyê Serdozgeriya Komarê ya Îzmirê ve tê birêvebirin de, bi îdîayên “avakirina rêxistinê bi armanca sûckirinê”, “bertîl”, “bikaranîna xirab a erkê” û “muxalefeta li dijî qanûna avahîsaziyê” rûniştina girtinê ji bo 7 kesan hat birîn ku Şaredarê Guzelbaxçeyê Mustafa Gunay jî di nav de ye.
Di çarçoveya lêpirsînê de ji bo van kesan biryara girtinê hat derxistin: Şaredarê Guzelbaxçeyê Mustafa Gunay, hevjîna wî Nermîn Gunay, Şaredarê Berê yê Guzelbaxçeyê Ozdem Mustafa Înce, Endama Civata Şaredariyê Gîzem Goçtu, Rayedarê Koma MÎRYA Şamil Goçtu, Midûrê Avahîsazî û Bajarsaziyê Ozgur Bayraktar û Karmendê Zabiteyan Sezgîn Kuş.
Di çarçoveya lêpirsînê de 5 kes ji aliyê tîmên cendirmeyan ve hatin destgîrkirin; her wiha hat tespîtkirin ku Endama Civata Şaredariyê Gîzem Goçtu û Rayedarê Koma MÎRYA Şamil Goçtu li dervayî welat in. Ji kesên ku hatibûn destgîrkirin, Şaredarê Guzelbaxçeyê Mustafa Gunay û Midûrê Avahîsazî û Bajarsaziyê Ozgur Bayraktar hatin girtin, 3 navên din jî bi şertê qontrola dadî hatin berdan.
