Bi hezaran kes tevlî “Mitînga Azadiyê” ya ku bi daxwaza azadiya Rêber Apo bi dirûşmeya “Bi Rêbertiya Azad re ber bi civaka demokratîk” li Parka Milet a Mêrsînê tê lidarxistin bûn.
Tevî germahiya Çukurovayê jî bi hezaran kes bi wesayîtan ji Edene, Osmaniye, Hatay û Amedê hatin Mêrsînê. Girseya ku li nêzî qada mîtîngê ji wesayîtên xwe daketin, posterên Rêber Apo û rengên kesk, sor û zer hilgirtin û bi berzkirina dirûşmeyên “Bijî Serok Apo”, “Bê Serok jiyan nabe” û “Mîmarê aştiyê li Îmraliyê ye” ber bi qada mitîngê ve meşiyan.
Di meşa ku jin û ciwan bi girseyî tevlîbûn de, daxwaaza azadiya Rêber Apo hat kirin. Girseyê piştî li du xalên kontrolê yên ewlehiyê ketin qadê û bi dirûşme, çepik, tilîlî û stranan govendê gerandin.
Mitîng bi deqîqeyekî rêzgirtinê ji bo kesên di têkoşîna azadî û demokrasiyê de jiyana xwe ji dest dane, destpê kir. Girseyê piştî rêzgirtinê, dirûşmeyên “Bijî Serok Apo” û “Şehîd namirin” berz kir.
Hevserokê Partiya Wekhevî û Demokrasiyê ya Gelan (DEM Partî) Reşat Aşan axaftina vekirinê kir. Aşan hunermend Kadîr Înanir ku jiyana xwe ji dest da bi bîr anî û anî ziman helwesta wî ya di têkoşîna aştiyê de were domandin.
Piştî axaftinê, sînevîzyona li ser jiyan û têkoşîna Kadîr Înanir hate pêşandan.
