Sedema bingehîn a bilindbûna enflasyonê, zêdebûna bilind a buhayê enerjiyê ya ji ber şerê li Rojhilata Navîn e.
Li gorî daneyên Eurostatê, buhayê enerjiyê meha Tebaxê di asta salane de ji sedî 14,3 zêde bû. Ev rêje di meha Tîrmehê de ji sedî 10,3 bû. Zêdebûna buhayê berhemên pîşesaziyê ji sedî 0,9 gihîşt asta ji sedî 1,2.
Di sektora xizmetê de zêdebûna buha daket asta ji sedî 3 û li gorî mehek berê ji sedî 0,3 pûanî kêm bû. Zêdebûna li buhayê xurekan di asta ji sedî 1,2 de ma.
Enflasyona li Herêma Euro meha Gulanê bi bandora şerê li Rojhilata Navîn gihîştibû asta ji sedî 3,2, piştî ku buhayê petrolê bi demkî kêm bû daketibû binê asta ji sedî 3’an.
Lê belê piştî ku şerê navbera DYE û Îranê meha Tîrmehê jinûve gur bû, buhayê petrolê careke din zêde bû û bû sedem ku enflasyon di meha Tebaxê de jinûve bi lez bibe.
