Fermandara gerîla Bêrîtan Hêvî (Gulnaz Karataş) 25’ê Cotmeha 1992’an bi çalakiyeke mezin mohra xwe li berxwedana jinên Kurd xist. L ihemberî feodalîteya zilamê serdest a ku jin bi ti awayî qebûl nedikir, şer kir û li ber xwe da. Gerîlayên YJA STAR’ê li ser xeta Bêrîtan bi salan li hemberî hemû paşverutiyê têdikoşin, mîrateya wê dişopînin û xwe jinûve ava dikin. Ji ber vê yekê her roja 25’ê Cotmehê gerîlayên azadiya Kurdistanê Fermandar Bêrîtan bi bîr tînin. Yek ji wan gerîlayan Roj Bêkes li ser girîngiya vê rojê ji ajansa me re axivî.
Gerîlaya YJA STAR’ê Roj Bêkes di salvegera şehadeta fermandar Bêrîtan Hêvî de bi dilsozî û minetdariya xwe ya ji bo xeta azad a ku Bêrîtan ava kiriye dest bi axaftinê kir û wiha got: “Di serî de hevala Bêrîtan di salvegera şehadeta wê de bi bîr tînim û bejna xwe li ber bîranîna şehîdan ditewînim. Li ser şopa heval Bêrîtan em bûn bi hezaran keçên ciwan ên şoreşger. Ya ku hişt em serî li ber her nebesiyê rakin û di xeta azadiyê de têbikoşin heval Bêrîtan e. Ji bo me hevala Bêrîtan bû xeta berxwedan û serketinê.”
Gerîla Roj Bêkes têkildarî xeta Bêrîtan û keda Rêber Apo ya ji bo jinan got, “Yê ku hişt hevala Bêrîtan bigihêje cewhera xwe ya resen Rêber APO bû. Rêber APO fikre azad di şexsê hevala Bêrîtan de ava kir û heval Bêrîtan jî di kesayetiya me de a afirand.”
’25’Ê COTMEHÊ ROJA AZADIYÊ YE’
Gerîla Roj Bêkes têkildarî 25’ê Cotmehê got, “Roja ku hevala Bêrîtan xwe ji zinêr avêt, ew roj bû roja azadiyê. Bû roja berxwedanê. Ya ku wate li vê rojê bar kir û kir ku her kes ji xefleta giran rabe, têkoşîna heval Bêrîtan e. Em weke gerîlayên Kurdistanê tenê di vê rojê de hevala Bêrîtan bi bîr nînin, hevala Bêrîtan her tim di bîra me de ye, ji ber ew rênîşandara me ye. Her wiha heqîqeta şoreşgeriyê me bi saya keda heval Bêrîtan nas kir. Di demên ku jin bi ti awayî nedihatin qebûl kirin de hevala Bêrîtan têkoşiya û şer kir. Hebûna jinê nedihat qebûlkirin, lê belê berxwedana hevala Bêrîtan ev yek ji holê rakir û di şexsê xwe de artêşbûna jinê ava kir. Di roja îro de bi hezaran Bêrîtan çêbûne û xeta fermandara mezin Bêrîtan Hêvî ji xwe re esas digirin. Ji ber ku Heval Bêrîtan kesek nîne, di şexsê xwe de hebûnekê diwelidîne.”
Gerîlaya YJA STAR’ê Roj Bêkes bi sozdayîna şopadina xeta Bêrîtanan dawî li axaftina xwe anî ; “Di şexsê hevala Bêrîtan de em heval Sara, Rûken û Asya jî bi bîr tînin û bejna xwe carek din li beramberî hemû şehîdên şoreşê ditewînin. Van hevalan jî li ser xeta Heval Bêrîtan çalakiya fedaî kirin û bûn sembola dîdariya azadiyê. Çawa ku hevala Bêrîtan bê tirs bi ser dijminê xwe de çû, ew jî bi heman xetê û fikrê ve bi ser dijminê xwe de çûn. Di dawiyê de em soza şopandina xeta wan didin û wan bi bîr tînin.”
