Evîn Zapsû li Girtîgeha Jinan a Bunyana Kayseriyê girtî ye. Beriya niha bi demek kurt eşkere bû ku Evîn Zapsû bi nexweşiya penceşêrê ketiye û ev nexweşîn di merhaleya çaremîn de ye. Serlêdan û hewldanên ji bo berdana Evîn Zapsûyê berdewam dikin. Parlamenterê DEM Partiyê yê Mêrsînê Alî Bozan çû Girtîgeha Bunyanê û bi Evîn Zapsû re hevdîtin pêk anî.
Alî Bozan li ser hesabê xwe yê X’ê vîdoeyek belav kir û ragihand ku wî serdana Evîn Zapsû kiriye.
Alî Bozan piştî serdanê di vîdeoya belav kiriye de, ev yek anî ziman: “Min li Girtîgeha Bunyanê serdana girtiya nexweş Evîn Zapsû kir. Rewşa wê xedar e. Evîn Zapsû ro bi ro dihele. Her roj zeîf dibe. Ji ber nexweşiya xwe ya giran nikare di merdîwenê de jî derkeve. Ji ber xemsariyê di teşhîskirina nexweşiya Evînê de derengî maye. Heta îro dereng man lê bila ji îro şûn ve bi derengî nekeve. Divê ji niha şûn ve deqîqeyek jî ji bo tedawiya wê bi derengî nekeve. Ragirtina Evîn Zapsû ya di girtîgehê de tê maneya ku ew terkî mirinê tê kirin. Divê Evîn Zapsû demildest were berdan û di şertên bi tendurist de tedawiya wê bê kirin. Heta ku Evîn Zapsû û hemû girtiyên din werin berdan wê têkoşîna me berdewam bike.”

