Li gorî daneyên Servîsa Îstatîstîkê ya Wezareta Ewlehiya Hundirîn (SSMSI) a Fransayê di sala 2025’an de 284 hezar û 681 mexdûrên tundiya hevjînan ji hêla yekîneyên ewlehiyê ve hatine tomarkirin. Ev hejmar li gorî par ji sedî 5 zêde bûye. Ji sedî 84 ji van mexdûran jin û ji sedî 85 jî kesên ku bi pêkanîna tundiyê tên tawanbarkirin jî mêr in.
Hat diyarkirin ku hejmara mexdûrên tomarkirî ya ku ji sala 2016’an vir ve ber bi zêdebûnê ve diçe. Her wiha hat destnîşankirin ku ji sedî 73 mexdûran temenê wan di navbera 20-45 salî de ne.
Bûyerên ku hatine tomarkirin ji 73 jê fîzîkî ne, ji sedî 31 devkî yan jî derûnî û ji sedî 5 jî tundiya zayendî ye. Hat ragihandin ku tenê ji sedî 13 mexdûrên tundiya hevjînan, li cem hêzên ewlehiyê gilî kirine.
Di sala 2025’an de nêzî 218 hezar kes bi tundiyê hatin tawanbarkirin. Ev hejmar li gorî par ji sedî 2 zêde bûye.

