Hêzên Çekdar ên Îsraîlê (IDF) li dijî tankên hikûmeta Şamê ên ku ber bi Swêdayê ve diçûn êrîşeke hewayî pêk anîn. Êrîşa Îsraîlê piştî pevçûnên dijwar ên di navbera milîsên Durzî û eşîrên Bedewî de pêk hat.
Artêşa Îsraîlê li ser medyaya dîjîtal peyamek belav kir. Di peyamê de hat diyarkirin ku di demek nêz de li herêma di navbera Swêdayê û Samiayê yên li başûrê Sûriyeyê ne êrîşî çend tankên hêzên hikûmeta Şamê (ku hin ji wan li kêleka bedewiyan şer dikirin) kirine. Di peyamê de wiha hate gotin: “Hebûna van (tankan) li başûrê Sûriyeyê dibe ku ji bo dewleta Îsraîlê bibin gef. Artêşa Îsraîlê wê nehêle ku gefek leşkerî li başûrê Sûriyeyê derkeve holê û wê li gorî wê tevbigere.”
Tankên ku Îsraîlê wan hedef girtin li nêzîkî gundê Samî yê herêma Swêdayê bi cih bûbûn.
Pevçûnên dijwar li ser şêlandina bazirganekî Durzî li ser rêya Şam-Swêydayê dest pê kirin. Wezareta Karên Hundirîn a Sûriyeyê ragihand ku zêdetirî 30 kuştî û nêzîkî 100 birîndar hene. SOHR jî ragihand ku di nav wan de sivîl, hêzên ewlehiyê û milîs jî hene, herî kêm 89 kes hatine kuştin. Çavkaniyên Durzî îdîa dikin ku hejmara kuştiyan dibe ku bigihêje 150 kesan.
