Hevserokê Giştî yê Partiya Wekhevî û Demokrasiyê ya Gelan (DEM Partiyê) Tuncer Bakirhan beşdarî “Civîna Aştî û Civaka Demokratîk” a partiya xwe ya li Muğlayê bû.
Bakirhan bal kişand ser “Pêvajoya Aştî û Civaka Demokratîk” û got, “Ez hêvî dikim ku em ê bi hevre vebûna vî deriyê nû wek derfet binirxînin. Li Rojhilata Navîn sedsalek nû tê dîzaynkirin. Gelên Rojhilata Navîn ev sedsale, bi rehetî behna xwe nedane. Geşedanên li Rojhilata Navîn bandorê li vir jî dikin. Divê Tirkiye ji bo xwe rêyek demokratîk bibîne. Ez ne tenê vê dibêjim, gelek kes vê dibêjin. Armanca me ew e ku Tirk û Kurd li ser zemînekî xwişk-biratiyê bijîn. Êdî dewletên netewî çareserî nîne. Ji ber vê sedemê, erdnîgariya Rojhilata Navîn ji bo dewletên emperyalîst bûye qadên pevçûnan. Welatên ku dikarin pirsgirêkên xwe di nava welatê xwe de çareser dikin, ji destwerdanên derve re girtî ne.”
‘PÊDIVIYA VÎ WELATI BI ŞEWAZEK NÛ HEYE’
Bakirhan da zanîn ku bi banga Birêz Ocalan hêviyek nû çêbû û got, “Li şûna yek zîhniyetê, pêdivî bi afirandina şewazekî berfireh heye. Birêz Ocalan van pêşketinan dibîne. Di vê çarçovê de banga Birêz Ocalan ya ji rêxistina xwe re kirî da nîşan kirin ku ew bi dilxwazî nêzî çareseriyê dibe. Pêdivîya vî welati şewazek nû heye.”
Bakirhan diyar kir ku ji ber polîtîkayên hikûmetê hin jî fikarên gel yên li ser pêvajoyê hene û tekez kir ku divê şaşiyên berê hatî kirin, neyên dubarekirin.
Bakirhan got ku divê şaredarên CHP’yî werin berdan û wiha berdevam kir, “Sîstemek bê demokrasî û hiqûq sûdê nede tu kesê. Hemû beşên civakê bi fikar in. Ger ew li dizayn û gendeliyê digerin, bila werin li şaredariyên ku ji hêla qeyûman ve têne rêvebirin binêrin. Ez bang li hikûmetê dikim; di vê serdema dîrokî de xwe bi van polîtîkayên bêxêr ve mijûl nekin. Em wek partî, li dijî van kiryarên neqanûnî disekinin. Pirsgirêka Kurd êdî bi polîtîkayên ewlehiyê çareser nabe. Li destûra bingehîn a 1921’an binêrin û em bi gavên demokratîktir bikevin sedsala nû. Ger em vê bikin, kes winda nake. Em ketine serdemek nû û me dikarin pirsgirêkên xwe çareser bike. Divê em hemî bi hev re atmosferek aştiyê ava bikin. Bêyî ku kesan ji holê rakin, divê hem her kesê beşdarî vê pêvajoyê bikin. Ma em dikarin beyî jinan bibêjin ‘aştî’? Di vê serdema girîng de ku PKK çekên xwe deyne, divê desthilatdarî rola xwe pêk bîne. Em hikûmetê vedixwînin aqilê demokratîk. Em her peyvek xwe parzûn dikin
