Berdevka Partiya Wekhevî û Demokrasiyê ya Gelan (DEM Partî) Ayşegul Dogan, li navenda giştî ya partiyê têkildarî civîna Lijneya Rêveberiya Navendî (MYK) daxuyanî da. Ayşegul Doganê anî ziman ku MYK’a partiya wan civiyaye û li ser geşedanên di rojevê axivîn e. Ayşegul Doganê îdiaya rojnameya Sozcuyê ku gotibû DEM Partî xwe bêdeng dike derewand û bertek nîşan da.
‘DIVÊ HEMÛ PARTÎ ERÊNÎ NÊZ BIBIN’
Ayşegul Doganê bal kişand ser civîna komîsyonê ya sibê ku bi rojeva çûyina Girava Îmraliyê hevdîtina bi Rêber Apo re bicive û wiha got: “Ew civîn wê bibe nexşereya merhaleya 2’yan a pêvajoyê. Partî dê pozîsyoneke çawa bigirin tê mereqkirin. Em hemû bi ezmuneke dîrokî re rû bi rû ne. Heftane dibêjin komîsyon divê biçe Îmraliyê yan na. Bersiv diyar e. Ya ku tê axaftin aştî ye û mîmarê wê jî birêz Ocalan e. Di vir de roleke mezin dikeve ser milê partiyan. Em di merhaleyeke dîrokî de ne û divê ev merhale neyê berhewakirin. Tişta herî rast ewe e ku hevdîtin bi birêz Ocalan re bê kirin. Divê hemû partî jî erênî nêz bibin û vê berpirsyariya xwe bi cih bînin. Birêz Ocalan şerekî bi dawî dike û rêya muzakereyê vekir. Qala demokratîkbûyînê dike. Heke em vê heqîqete nebînin dê pêvajo çawa bi pêş ve biçe.”
Bi domdarî Ayşegul Doganê bang li CHP’ê kir û xwest CHP li ser çûyîna komîsyonê ya Îmraliyê biryarek erênî û rast bide.
‘LI SER NAVÊ PARTIYÊ DÊ GULISTAN KILIÇ KOÇYÎGÎT BIÇE ÎMRALIYÊ’
Di berdewamê de Ayşegul Doganê destnîşan kir ku li ser navê DEM Partiyê dê Gulistan Kiliç Koçyîgît biçe Girava Îmraliyê.
POLÎTÎKAYÊN LI DIJÎ ROJAVA
Bi berdewamî Ayşegul Doganê der barê geşedanên li Rojhilata Navîn axivî û got: “Divê Tirkiye polîtîkayên xwe yên li ser Rêveberiya Xweser a Bakur û Rojhilatê Sûriyeyê biguherîne. Pêwîste Tirkiye Kurdên li Rojava weke xetere nebîne. Divê Tirkiye bi Rojava re têkiliyên dostane li pêş bixe. Pirsgirêk bi muzakereyê çareser dibin. Aştiyeke herêmî bi vî awayî pêk te. Bendewariya me jî ew e ku Tirkiyeyê van gavan biavêje. Gelo heke deriyên sînor vebibin dê pir xweş nebe?”
‘EM LI BENDA BIRYARA ERÊNÎ YA CHP’Ê NE’
Ayşegul Doganê, pirsa “CHP heke bi awayekî neyînî helwest nîşanî hevdîtina komîsyonê ya bi Abdullah Ocalan re bide dê helwesta partiya we çi be?” jî wiha bersivand: “Divê rastiya birêz Ocalan rast were fêmkirin. Heke fêm nekin ew ji bo hilbijêrin wan jî ji bo wan jî neheqî ye. Divê hemû partî jî bi awayekî erênî nêz bibin. Em hêvî dikin ji komîsyonê biryareke erênî derbikeve.”
