Di merasîma li kafeyeke li Colemêrgê hatî lidarxistin de, Ozsoy berhemên xwe da naskirin û bi xwînerên xwe re nirxandin kir. Parlamentera DEM Partiyê ya Colemêrgê Oznur Bartin, rêveberên DEM Partiyê, nûnerên DBP’ê, Hevşaredarê Colemêrgê Şoreş Dîrî, Serokê Cemiyeta Rojnamevanan a Colemêrgê Alî Yîgît, nûnerên rêxistina civakî ya sivîl û gelek welatî beşdarî merasîmê bûn.
Huseyîn Ozsoy beriya ku pirtûka xwe îmze bike, axivî û behsa pêvajoya xwe ya nivîsandinê kir. Ozsoy diyar kir ku dema salên dirêj li girtîgehê, pirtûka xwe nivîsand û anî ziman ku berhem li aliyekê çîroka êşê, li aliyê din jî ya hêviyê ye.
Ozsoy derbarê berhemên wêneyan jî agahî dan û ragihand ku hemû berhemên xwe li girtîgehê çêkirine.
‘WÊJE BÎRA GEL E’
Parlamentera DEM Partiyê Oznur Bartin bal kişand ser wêjeya Kurdî û dîroka gel û got, “Wêje ne tenê çiqekî hunerê ye, di heman demê de bîra gel e. Her peyv, her çîrok paşeroj û pêşeroja gel dihilgire. Lewma xebatên bi vî rengî, wateyeke mezin dihilgire.”
Nirxandin bi beşa pirs-bersiv bi dawî bû. Di dawiya merasîmê de Huseyîn Ozsoy ji bo xwînerên xwe pirtûkên xwe îmze kir.
