Hikûmeta Elmanyayê ragihand ku têkildarî projeyê hê biryareke dawîn nehatiye standin û dîrokeke nû nehatiye diyarkirin.
Rêveberiya Berlînê zêdebûna polîtîkayên derve yên Fransa- Elmanyayê û rojeva ewlehiyê weke sedema taloqkirinê nîşan da.
Projeya ku di sala 2017’an de ji aliyê Fransa û Elmanyayê ve hate destpêkirin û piştre jî Spanya beşdar bûyê, tevî daxuyaniyên piştevaniya siyasî jî ji ber nelihevkirina di navbera şirîkên pîşesaziyê de nikare pêş bikeve.
Tê armanckirin ku SCAF heya 2040’an bikeve şûna balafirên Rafale yên Fransizan û Eurofighterên Elman û Spanyolan û di pêvajoya jinûveçekdarbûna Ewropayê de roleke girîng bilîze. Tê diyarkirin ku buhayê projeyê jî nêzîkî 100 milyar euroyî ye.
Her wiha hin siyasetmedarên li Elmanyayê dibêjin ku li şûna balafirekê pêşxistina du balafirên cuda baştir e.
