Çeteyên dewleta Tirk a dagirker gule li şêniyê bi navê Ebdullah El Mûsa El Hesen, dema ku bi wesayîtê sotemenî ji gundê Cib Ebyed ê rojhilatê Dêr Hafirê ber bi bajarê Minbicê yê dagirkirî ve vediguhast, barandin û qetil kir.
Şênî El Mûsa ji gundê Ceidê yê kantona Firatê ya Herêma Bakur û Rojhilatê Sûriyeyê ye û ji gelek salan ve li Minbicê dimîne.
Girêdayî wê, duh çeteyan welatiyek li bajarokê Meqta Hecer Kebîr ê başûrê rojhilatê Minbicê birîndar kir. Welatî ji bo tedawiyê ji bo bajarê Minbicê hat veguhastin.
Li gundewarê Minbic û Dêr Hafirê bêaramî û tevlihevî heye. Di heman demê de sûcên li dijî şêniyan wekî qetilkirin, hedefgirtina yekser, heqaret û desteserkirina mal û milkan didome.
