Meclîsa Ciwanan a Partiya Wekhevî û Demokrasiyê ya Gelan (DEM Partî) bi boneya 76’emîn rojbûna Rêber Apo ji Amedê ber bi gundê Amara yê navçeya Xelfetî ya Rihayê ve dest bi meşê kirin. Meşa ku bi şîara ‘’Em bi Civaka Demokratîk ber bi Azadiyê ve Dimeşin’’ tê lidarxistin, wê 4’ê Nîsanê li Amarayê bi dawî bibe.
Ciwanên beşdarî meşê bûne ji ANF’ê re axivîn.
EM Ê WEZÎFEYA DIKEVE SER MILÊ ME, PÊK BÎNIN
Fûlya Taştan: Weke ciwanan em ji bo Rêberê xwe bi rê ketin. Em ê heya Amarayê bimeşin. Em ji bo azadiya Rêber Apo dimeşin. Tekane daxwaza me azadiya Rêbertiya me ye. Bi hezaran ciwanên Kurd hene. Piştî banga Rêbertiya me kelecana me pir mezin e. Ji bo azadiya Rêbertiya me em ê wezîfeya dikeve ser milê me pêk bînin.
EM JI BO AZADIYA RÊBERTIYA XWE DIMEŞIN
Can Polat Guran: Beriya her tiştî meşa me ji bo Rêber Apo ye. Em ji bo azadiya fîzzîkî ya Rêbertiya xwe di rê de ne û dimeşin. Em piştgiriyê didin banga Rêber Apo. Em hemû ciwanan vedixwînin Amarayê. Tevî hemû astengiyan jî em ê meşa xwe bidomînin.
KELECANA ME PIR ZÊDE YE
Avesta Ateş: Ji bo çûyîna Amarayê ez gelekî bi kelecan im. Di destpêkê de di vê pêvajoya aşitiyê de daxwaza azadiya Rêbertiya me ji bo me gelekî girîng e. Ez hêvî dikim ku Rêberê me bi awayekî fîzîkî azad bibe. Me berê xwe daye rojê. Em ber bi azadî û Amarayê ve dimeşin.
