Federasyona Elewiyên Demokratîk (FEDA) û Yekîtiya Jinên Elewî ya Demokratîk (DAKB) ji bo dayika du şehîdan Nazîme Morsumbul ku duh jiyana xwe ji dest da, peyama sersaxiyê weşand.
Peyam bi vî rengî ye:
“Nazîme Morsumbul ku di Gulana 1954’an de ji dayik bû û emrê xwe bi ked, hezkirin û berxwedanê honand, di 12’ê Tîrmeha 2025’an de jiyana xwe ji dest da.
Ew ne tenê dayik, hevser û di heman demê de berxwedêr û hevrêyekî dilsozê gel û baweriya xwe bû.
Di temenekî pir ciwan de zewicî û 3 zarok anîn dinê. Bi jiyaneke dilsozê xaka xwe zarokên xwe mezin kir. Dayika Nazîme bi hişmendiya xwe ya kedkar û welatparêz fêrî azadiyê zarokên xwe kir.
Du zarokên xwe; Erdal Morsumbul (Murat) û Serdar (Seyît Riza) wekî rêviyên azadiyê mezin kir. Wan wekî ne zarokên xwe, lê zarokê gel û rûmeta Elewîtî, Kurditî û mirovahiyê dît. Erdal di 20’ê Mijdara 1998’an de li Amedê, Serdar Morsumbul (Seyît Riza) jî 1’ê Tebaxa 2005’an de li Dersimê şehîd bû. Tevî wê êşa mezin jî li ser piyan sekinî û hêviya xwe qet winda nekir.
Erdalê ji gora komî derxist û piştî 18 rojan jî ji Dersimê Serdarê xwe anî warê xwe. Li dijî her destwerdana li dijî goran bedena xwe kir sîper û rûmeta zarokên xwe parast. Têkoşîn her carê bi mezinbûnê pêş ket.
Nazîme Morsumbul jiyana xwe ne tenê fedayî malbata, lê fedayî têkoşînê jî kir. Ew ji bo gelê xwe zarokên bi rûmet mezin kir.
Dayika Nazîme ku beriya 14 rojan ji ber xwînçû ser mîdeyê wê rakiribûn nexweşxaneyê û piştre li Erziromê hat emalyatkirin, ji ber danûstendina kêm a bêhnê kirin lênerîna awarte. Duh şev ji ber krîza dîl ji nav me çû.
Ev êşa du zarokên xwe hilgirt, lê tu car ji jiyanê qut nebû. Li ber xwe da, hêvî kir, jiyan kir û da jiyankirin.
Em wekî Federasyona Elewiyên Demokratîk (FEDA) û Yekîtiya Jinên Elewî ya Demokratîk (DAKB) sersaxiyê ji hemû malbatên şehîdên azadiyê û ji ber windahiya xwişka wê ya hêja sersaxî ji hevala xwe Songul Morsumbul re dixwazin.
Niha tişta ku dikeve ser me ew e ku em xwedî li mîrateya hemû şehîdên azadiyê û Dayika Nazîme derbikevin û wekî wan bi rûmetî bijîn.”
