Dayika Aştiyê Berfîn Saîn (70) a ku nêzîkî du mehan li Nexweşxaneya Perwerde û Lêkolînê ya Sêrtê ji ber penceşêrê dihat dermankirin jiyana xwe ji dest da.
Cenazeyê Berfîn Saîn ji aliyê Komeleya Piştevaniya bi Kesên Xizmên xwe Winda kirine ya li Dergûşa Şaristaniyê ya Wanê (MEBYA-DER), Komeleya Alîkariya bi Malbatên Girtiyan re (TUAY-DER), endamên partiyên siyasî, rêxistinên civaka sivîl û nûnerên partiyên siyasî ve ji nexweşxaneyê hat wergirtin.
Cenaze bi duayan li Goristana Zeviyê ya li taxa Çal a Sêrtê hat veşartin. Ji bo Berfîn Saîn wê 3 rojan li mala sersaxiyê ya Halid Bin Velid a li taxa Koperatîfê sersaxî bên qebûlkirin.
DERBARÊ BERFIN SAÎN DE
Hevjînê Berfin Saîn, Şukru Saîn di sala 1996’an de dema ku serdana Rêber Apo dikir li Rojava ji ber krîza dil jiyana xwe ji dest da. Kurê wê Murat Saîn (Murat Têkoşer) di 17’ê Tîrmeha 2013’an de, di pevçûneke li dijî DAÎŞ’ê ya di navbera bajarên Çilaxa û Dêrikê yên Rojava de şehîd bû. Berfin Saîn jî di tevahiya jiyana xwe de têkoşîn meşand.
