Piştî desteserkirina şaredariya Dersim a di bin rêveberiya Partiya Wekhevî û Demokrasiyê ya Gelan (DEM Partî) û şaredariya Pulur a di bin rêveberiya Partiya Gel a Komarê (CHP) de, her devera bajêr bû qada berxwedanê.
Gel li dijî rejîma xespê, herikî qadan. Piştî ku polîsan bi bombeyên gazê û ava bi tazyikê êrîşî kir, li kolanan agir hate vêxistin û barîkat hatin danîn.
Ciwan belavî her kolanên bajêr bûn û berxwedan domandin.
Hevseroka Giştî ya Partiya Herêmên Demokratîk (DBP) Çîgdem Kiliçgun Ûçar jî hate Dersimê û bi hatina wê re, li avahiya DEM Partiyê ya li Dersimê civîn hate çêkirin.
