Mîtînga Azadiyê ya ku ji aliyê Partiya Wekhevî û Demokrasiyê ya Gelan (DEM Partiya), Partiya Herêmên Demokratîk (DBP) û Tevgera Jinên Azad (TJA) ve bi dirûşmeya “Bi Rêbertiyê Azad re ber bi Civaka Demokratîk” li Qada Newrozê ya Wanê hat lidarxistin, bi axaftin û stranan berdewam kir.
Bi deh hezaran kes li ser stranên ku ji aliyê Simyager û Beser Şahîn ve hatin gotin govend gerandin. Di çarçoveya bernmaeyê de axftinên dîtbarî yên hunermendê nemir Kadîr Înanir li ser Rêber Apo hat pêşandan û hat bibîranîn.
Piştre sînevîzyona ku ji axaftinên Rêber Apo yên berê hatibê amadekirin hat pêşandan.
Di pêşandanê de beşdaran lambeyên telefonên xwe vêxistin û bi bêdengî temaşe kirin. Piştî pêşandana sînevîzyonê girseyê bênavber dirûşmeya “Bijî Serok Apo” bez kir.
Hin beşên ji axaftina Rêber Apo wiha ne:
*Neheqiyeke mezin, zext û mêtingerî heye. Ji wê wêdetir siyaseteke ku navê me jî nedihat qebûlkirin hat meşandin. Em ne alîgirê ku bi tundiyê pirsgirêkan çareser bikin in.
*Em di wê baweriyê de ne ku ji nû ve sererastkirina têkiliyan li ser bingeha azadî û wekheviyê pêkan e. Li vir ya girîng ew e ku gelo hikûmet ji rêveberiya siyasî re heye yan na? Dixwaze xwînê rawestîne yan na? Dixwaze hin misogeriyên qanûnî bide gelê Kurd an na? Rêya demokratîk vedike yan na? Hebûna me ya neteweyî qebûl dike yan na? Derfeta pêşkeftina azad wê dide yan na? Ew ê bihêle ku em di rêya wekhev, xwişk-biratî û aştiyane de pêşve biçin an na? Gelo alî bi awayê herî baş û dadwerî dikarin hev qezenc bikin an na? Em alîgirê serketineke wiha ne.
*Bes bila diyalog hebe, em sibê hemû çekan bêdeng bikin. Em li pey daxwazên pir xwezayî, mirovî û demokratîk in. Bila nêrîna her kesî hebe lê demokrasî bila yê her kesî be. Bila nasnameya her zayendê hebe. Bila navê xwe û çanda hebe.
*Û ez pir ciwan im. Teqez ev maraton heta hetayê biçe jî ez ji wê re ji heme. Wê di bin berpirsyariya min de berdewam bike. Teqez ew hêza serketinê bi min re heye.
*Gelê Kurd guh dide gotinên min. Bêguman rewşa min bi qudret e.
Mitîng piştî pêşandana sînevîzyonê bi axaftin û stranan berdewam kir.
