Biryar wê bandorê li zêdeyî 6 hezar Sûriyeyiyan bike ku ji sala 2012’an û vir ve di bin Statuya Parastinê ya Demkî (SPT) de ne.
Di daxuyaniyê de ku li Federal Register htae ragihandin, hate ragihandin ku li pêşiya Sûriyeyiyan astengî name ye ku li welatê xwe vegerin. Berdevka wezaretê Tricia McLaughlin got, “Sûriye demeke dirêj e navenda terorîzm û tundrewiyê ye. Destûra ji bo hiştina Sûriyeyiyan li welatê me li dijî berjewendiyên me yên neteweyî ye.”
Li gorî daxuyaniyê, ji bo Sûriyeyiyên di çarçoveya SPT de li DYE’yê ne vegerin welatê xwe 60 roj dem heye. Piştî vê demê yên li welêt bimînin wê bêne binçavkirin û dersînorkirin.
Rêveberiya Serok Donald Trump dixwaze, ne tenê ya Sûriyeyiyan statuya qanûnî ya demkî ya bi sed hezaran koçberan bi dawî bike.
Rêveberî îdîa dike ku ev bernameya parastinê bi rengekî ‘nebaş’ hatiye bikaranîn. Demokrat û parêzvanên mafên koçberan jî diyar dikin ku bi biryarê re wê mirov di nava şert û mercên xetere de bêne vegerandin. Her wiha tê destnîşankirin ku pêwîstiya gelek karsazan bi vê hêza kar a koçberan heye.
