Di pêvajoya ku piştî banga Rêber Apo destpê kir de, Koma Aştî û Civaka Demokratîk bi merasîmê çekên xwe şewitandin û îmha kirin.
Ji Tirkiye, Kurdistan û cîhanê bi sedan rewşenbîr, parêzvanên mafên mirovan, nûnerên partiyên siyasî û rojnamevan beşdarî merasîma îmhakirina çekan bûn.
Rêvebera Navenda Giştî ya ÎHD’ê Gulseren Yolerî jî şahidî ji merasîma leşkerî re kir.
Gulseren Yolerî girîngiya merasîmê û hestên xwe ji ANF’ê re vegot û diyar kir ku Tevgera Azadiyê bi şewitandina çekan, nîşan da ku ew ê di pêvajoyê de paşde gav neavêje. Yolerî ev tişt jî got: “PKK’ê nîşan da ku ew li pişt soza xwe ye. Bang li dewletê kir ku li gorî berpirsyariyên xwe tevbigere û car din bi bîr xist ku ev pêvajo yekalî nameşe, divê pêdiviyên pêvajoya aştiyê bên bicihanîn.
Ev gava PKK’ê, berpirsyariyeke giran daye me, civakê û tevahî gel. Em bang li dewletê dikin ku dawî li helwesta xwe ya ji edaletê dûr bîne, li gorî berpirsyariyên pêvajoyê helwest nîşan bide û ji bo pêvajo bi rêkûpêk pêş bikeve, gavên lezgîn bavêje.”
