Heyeta Îmraliyê ya Partiya Demokrasî û Wekheviyê ya Gelan (DEM Partî) ku 2 caran bi Rêber Apo re li Îmraliyê hevdîtin kir, weke beşek ji van hevdîtinan li Başûrê Kurdistanê hevdîtinan dike.
Heyeta Îmraliyê îro serê sibehê bi Nêçirvan Barzanî re rûnişt. Hevdîtinê li ofîsa Barzanî ya li Hewlêrê destpê kir.
Endamên Heyeta Îmraliyê Pervîn Bûldan û Sirri Sureyya Onder, Hevserokê Giştî yê Partiya Herêman a Demokratîk (DBP) Keskîn Bayindir, ji Buroya Hiqûqê ya Sedsalê Ozgur Erol û Îbrahîm Bîlmez, Hevberdevkê Komîsyona Têkiliyên Derve ya DEM Partiyê Berdan Ozturk, parlamenter Gulcan Kaçmaz Sayyîgît û Mehmet Kamaç beşdarî hevdîtinên li Başûrê Kurdistanê dibin.
Hevdîtina destpêkê ya heyetê 16’ê Sibatê roja Yekşemê bi Serokê PDK’ê Mesûd Barzanî re hate kirin.
Heyetê silavên Abdullah Ocalan û peyamên wî yên li ser pêvajoyê ji Barzanî re ragihandibû.
Piştî hevdîtinê ji Ofîsa Çapemeniyê ya Barzanî daxuyaniyek hate dayin û hate ragihandin ku Barzanî amade ye ji bo rêveçûna pêvajoya nû piştgiriyê bide û di vê mijarê de erka dikeve ser milê xwe bi cih bîne.
