Daxuyaniya Navenda Ragihandin û Çapemeniyê ya HPG’ê bi vî rengî ye:
“5’ê Çileya 2025’an li Herêmên Parastinê yên Medyayê di encama qezayekê de hevrêya me Hêvî Şerzan Koçer şehîd bû. Hevrêyê me Hêvî hemû hebûna xwe diyarî têkoşîna azadiyê ya gelê me kiriye û li ser vê rêyê bûye xwedî tevlîbûneke fedakar û bêteredut. Şehadeta hevrêyê me, em pir êşandine. Hevrêya me Hêvî di tevahiya jiyana xwe de timî ji bo armancên pîroz û hestên bedew têkoşiyaye. Em soz didin ku vê armanc û xeyalên hevrê Hêvî pêk bînin.
Hevrêya me Hêvî weke endameke malbatek koçer timî xwe ayîdê çiyayan dîtiye. Ev çiya veguherandine warê jiyana azad û timî heyranê gerîla bû. Lewma dema roja wê hat bêyî teredut bi kelecan û coşeke bêhempa hat çiyayan. Taybetmendiyên xwe yên xwezayî, sade û koçeriyê bi felsefeya Apoyî re kir yek û di kesayeta xwe de pêşketineke dîrokî ava kir. Hevrêya me bû yek ji mînakên herî şênber a jina ku hingî têdikoşe azad dibe. Hevrêya me Hêvî armanc kir ku pîvanên jiyana azad a partiya me PKK – PAJK’ê di kesayeta xwe temsîl bike û bibe xwedî jiyaneke li gorî vê armancê. Di vî warî de bi ked, hewldan û tevlîbûna xwe ya samîmî bû milîtanek Apoyî ya mînak. Hevrêya me Hêvî bû xwedî tevlîbûneke ku li her çar aliyên Kurdistanê azadiya gelê me dixwaze û bi pratîka xwe ya li gorî vê yekê cewher û gotina xwe kir yek. Zincîrên koletiyê yên jina Kurd şikand û di asta neteweyî de bû şervanek azadiyê.
Di serî de malbata wê ya hêja ku zarokeke paqij, dirûst û fedekar a mîna hevrê Hêvî mezin kirin, em ji hemû eşîra Didêrî û gelê Kurdistanê yê welatparêz re sersaxiyê dixwazin û soza xwe car din dubare dikin ku têkoşîna şehîdên xwe yên leheng bênavber bidomînin.
Agahiyên derbarê nasnameya hevrê Hêvî Şerzan Koçer bi vî rengî ne:
|
|
Nasnav: Hêvî Şerzan Koçer |
Eşîra Didêrî yek ji eşîrên bi kok a Kurdistanê ye, kevneşopiya koçeriyê ya ku rewşa herî xwezayî û sade ya çanda Kurd temsîl dike heta roja me ya îro aniye û ji bo parastina nasnameya cewherî ya gelê me, rolekî girîng lîstiye. Ji bo ku zimanê Kurdî û çanda qedîm xirab nebe û ji nifşan bigihije nifşan û ji bo têkoşîna hebûnê ya gelê me, bûye zemînekî rewa. Lewma bi keda xwe cihê xwe yê binirx di dîroka me ya gel de girtiye. Dema ku têkoşîna me ji Botanê belavî hemû çiyayên Kurdistanê bû, gerîla destpêkê bi eşîra Didêrî re ket nava peywendiyan. Eşîra Didêrî bi hemû samîmiyet û germahiya xwe xwedî li gerîlayên azadiyê derket û ji bo ku gerîla çeperên stratejîk bi dest bixin, kedeke girîng daye. Gerîla ji bo azadiya gelê me bi fedakarî têdikoşe û nirxên cewherî yên gelê me di jiyana xwe de temsîl dikin. Ev eşîra me ya bi kok ji vê yekê bandor dibe û zarokên xwe yên herî hêja tevlî têkoşîna azadiyê ya gelê me dike. Eşîra me ya hêja dizane ku azadî bêyî berdêl nabe, berdêlan berçav digire û dibe yek ji nûnerên herî xurt a welatparêziya Kurdistanê. Gelek hevrê û fermandarên me yên hêja yên mîna Şehîd Dogan Zinar – Abdulselam Arslan, Şehîd Sema Koçer – Rewşen Aşkara, Şehîd Bêrîtan Koçer – Bêrîtan Çetînkaya ji nava eşîra me ya Didêrî derketin. Van hevrê û fermandarên me bi jiyan û têkoşîna xwe hem mohra xwe li têkoşîna me ya azadiyê xistin, hem jî bûn nemir û di dilê gelê me de bûn xwedî jiyaneke bêdawî.
Hevrêya me Hêvî jî di nava malbateke ji eşîra Didêrî ya xwedî kevneşopiya welatparêziyê de, li Êlihê hate dinê. Ji ber ku malbat çanda koçeriyê dide jiyîn, hevrê Hêvî jî girêdayî cewherê xwe mezin dibe. Demekê li dibistanên dijmin dixwîne, tevî vê yekê jî bi saya zanebûna xwe ya Kurdîtî û welatparêziya xwe ya xurt zêde ji polîtîkayên asîmîlasyonê yên dijmin bandor nabe û kesayeta xwe ya paqij û xwezayî diparêze. Di heman demê de ji ber ku li bajarekî mîna Êlihê dijî ku çanda berxwedanê lê xurt e, her tim rastî têkoşînê hat. Ji ber ku ji derdora wê ya nêz gelek kes tevlî nava refên azadiyê bûne û şehîd bûne, hevrêya me Hêvî pir bandor dibe û dikeve nava lêgerînan. Hevrêya me mîna her jineke Kurd û ciwan, zextên dijmin ên li ser Kurdistanê di her kêliyê de hîs kir û ket ferqê ku jiyaneke wiha bêwateye. Hevrêya me di wê zanabûnê de bû ku parastina nirxên mirovahiyê di nava jiyaneke ku bi xetereya qirkirin û zextên dijmin re rûbirû ye de, nepêkan e û vê yekê ti carî qebûl nekir, lêgerînên xwe kûrttir kir. Hevrêya me Hêvî her tim ji bo pêkanîna azadiya fîzîkî ya Rêber Apo ku weke çavkaniya jiyana azad pênase dike, xwe deyndar didît û li ser vê bingehê ji bo diyarkirina xeta têkoşînê zehmetî nejiya. Ji ber vê hevrêya me weke jinekê, nexwest bibe koleyê dewletê û mêrê serdest. Li ser vê bingehê mîna bi hezaran jinên ciwan berê xwe da çiyayên Kurdistanê û tercîha xwe ji bo jiyana azad kir.
Hevrêya me Hêvî sala 2017’an tevlî nava refên gerîla bû û perwerdeya xwe ya destpêkê li Botanê wergirt. Hevrêya me perwerdeya ku li Botanê dîtiye, kir bingeha hemû jiyana xwe û gerîlayên ku li vir nas kiriye weke hevrêyên heqîqetê pênase kir û mînak girt. Ji bo vê jî di tevahiya jiyana xwe ya têkoşînê de kêliyên giranbuha yên li vê derê hîs kir û ev yek kir sedema herî xurt a mezinkirina têkoşîna xwe. Piştre hevrêya me Hêvî ji bo ku xwe bi rengekî hê kûrtir perwerde bike û têkoşîna azadiyê bi xurtî bimeşîne berê xwe da Herêmên Parastinê yên Medyayê û li vê derê tevlî perwerdeyên akademîk bû. Hevrêya me ku di demeke kurt de bi perwerdeya wergirtî re hînê jiyana gerîlatiyê bû, bi tevlîbûna xwe ya ji dil û durust re hurmeta hevrêyên xwe bi dest xist. Hevrêya me ji ber ku bi awayekî zanabûn tevlî nava refên gerîla bû, di her alî de û di her kêliyê de hewl da xwe bi pêş bixîne. Bi taybetî ji bo bicihanîna pêdiviyên pêvajoya şer a dijwar, lêhûrbûnên kûr jiya.
Piştre hevrêya me derbasî herêmên ku lê pratîk bimeşîne bû û ji bo perwerdeya ku wergirtî bi jiyanî bike, kedeke mezin raber kir. Hevrêya me bi tevlîbûn û sekna xwe ya bi coş, bi moral û jidil bandor li hevrêyên xwe yên têkoşînê kir. Weke gerîlayeke YJA Starê karî hemû erk û berpirsyariyên xwe bi serketî bi cih bîne. Hevrêya me ya ku fêm kir di nava refên PKK’ê de perwerde di her kêliya jiyanê de ye, bi taybetî xwest xwe di felsefeya Rêber Apo de perwerde bike û di kesayeta xwe de rêgezên rizgariya jinê temsîl bike. Bi hewldanên xwe yên di vî alî de hem ji têkoşîna xwe ya azadiyê hez kir, hem jî bi tevlîbûneke bê hesab bû milîtanek esasî yê PKK-PAJK’ê.
Hevrêya me Hêvî ku li gelek qadên Herêmên Parastinê yên Medyayê têkoşiya, bi fedakarî û israra xwe ya ji bo pêkanîna erk û berpirsyariyên xwe, derket pêş. Hevrêya me tevî hin zor û zehmetiyên fîzîkî jî ti carî dev ji têkoşînê berneda û her tim hewl da têkoşîna xwe mezin bike. Hevrêya me bi van taybetmendiyên xwe bû milîtanek ku hemû hevrêyên wê ji bo xwe mînak bigirin. Hevrêya me bi tevlîbûna xwe ya jidil, durist, xwezayî, dilnizim û hevrêtiya xwe ya xurt, di dilê hemû hevrêyên xwe de ciheke ku nayê jibîr kirin girt. Em êşa şehadeta hevrêya xwe Hêvî ku di encama qezayeke bextreş de pêk hat, bi kûrahî hîs dikin. Em soz didin ku em ê xeyalên Hevrê Hêvî yên nîvco mayî pêk bînin û bibin şopdarên wê. Em careke din di şexsê hevrêya xwe de soza mîsogerkirina azadiya Rêbertî û Kurdistanê ji bo hemû şehîdên xwe dubare dikin.”
