Di daxuyaniyê de hate destnîşankirin ku piştgiriya bi girtiayn re sûc nîne, însanî ye.
Endamê Komîsyona Girtîgehan a Komeleya Mafên Mirovan (ÎHD) Îdrîs Yîgît anî ziamn ku Goktaş û Gerçek bi îdîaya ‘fînansekirina rêxistinê’ hatine binçavkirin û diyar kir ku pereyê ji girtîgehan re şandine tenê ji bo pêwîstiyên bingehîn ên girtiyan hatiye bikaranîn.
Yîgît bal kişand ser zor û zehmetiyên jiyanê yên li girtîgehan û got, ji ber buhayê zêde yê li kantînan girtî neçar in ji derve piştgiriyê werbigirin.
Her wiha hate ragihandin ku du endamên ÎHD’ê yên hatin binçavkirin nexweş in.
Hate gotin, Goktaş piştî rojiya mirinê bi sendroma Wernicke-Korsakoff ket, nexweşiyên dil û tansiyonê pê re hene û Hulya Gerçek jî tedawiya kanserê dibîne.
ÎHD’ê xwest, her du kes û kesên din ên bi heman hincetê hatine binçavkirin tavilê bêne berdan.
