Zanîngeha Kobanê ragihand ku ew ê derfeteke nû pêşkêşî xwendekarên ku ji ber sedemên cuda ji perwerdehiyê bêpar mane û di saziyên Rêveberiya Xweser de dixebitin.
Daxuyanî li pirtûkxaneya Zanîngeha Kobanê hat dayîn. Di daxuyaniyê de Hevserokê Zanîngeha Kobanê Şervan Mislim axivî û got ku ji bo xwendekarên ku berê ji ber sedemên cuda ji perwerdeyê dûr ketine yan jî ji ber şert û mercên taybet nikarin dersên xwe bidomînin, bernameyek amade dikin.
Şervan Mislim got, “Zanîngeha Kobanê ji ber guherîna şert û mercên şerê li Sûriyeyê, ji bo ku derfetên nû pêşkêşî xwendekarên xwe bike, gavên cuda diavêje. Di vê heyamê de, piştî destpêkirina şer, gelek xwendekar neçar man ku xwendina xwe qut bikin û hin ji wan jî dest ji xwendina xwe berdin û beşdarî tevgerên şoreşgerî bûn. Xwendekarên bi taybetî yên herêmên Bakur û Rojhilatê Sûriyê, Rojava û Kurdistanê ji ber dilsoziya xwe ya bi şoreşê re nekarîn xwendina xwe bidomînin. Lê zanîngeha Kobanê ji bo berdewamkirina xwendinê, wê derfetek nû pêşkêşî van xwendekaran bike.
Ji bo ku ji xwendekaran re jîngeheke pêwîst ji bo ji nû ve destpêkirina xwendina xwe peyda bike, Zanîngehê bi hevkariya Rêveberiya Xweser stratejiyek nû pêş xist. Armanca vê stratejiyê ew e ku ji xwendekaran re derfetê peyda bike ku xwendina xwe ya berê bidomînin û wan teşwîq bike ku bigihîjin serkeftineke akademîk. Her wiha zanîngeha Kobanê li ser gelek projeyên nû dixebite da ku derfetên kar û xebatê ji xwendekaran re peyda bike.
Di encamê de tevî şert û mercên guherînê, zanîngeha Kobanê her tim derfetên nû ji xwendekarên xwe re diafirîne ku xwendina xwe bidomînin û di dema pêş de wê hûrgiliya vê xebatê bi daxuyaniyên fermî ji raya giştî re bê eşkerekirin.”
