20 şervanên Tabûra Şehîd Karker ku di dîrokên cuda de di berxwedana Bendava Tişrînê û Pira Qereqozaxê de şehîd bûbûn, hatin bibîranîn.
Malbatên şehîdan jî beşdarî bîranînê bûn ku ji aliyê Tabûra Şehîd Karker ve li Hesekê hate lidarxistin. Axaftvanan di bîranînê de diyar kir ku bi saya qehremanî û fedakariyên şehîdan jiyana azad li herêmê ava bûye û soza ku bîranînên şehîdan zindî bihêlin û bi serketinê tacîdar bikin, hate dayîn.
Piştî axaftinan, wêneyên şehîdan diyarî malbatên wan kirin. Malbatên şehîdan jî diyar kirin ku ew ê li ser rêya zarokên xwe têkoşînê bidomînin.
