Li ser banga Komeleya Xwendekarên Azad ên Munzurê, xwendekarên Zanîngeha Munzurê xwepêşandanek bi dirûşmeya “Ji bo Rojîn Kabaîş Dengê xwe bilind bike” lidar xistin.
Xwendekaran bi dirûşmeya “Edalet ji bo Rojîn” meşiyan û li dijî siyaseta bêcezatiyê ya kuştina jinan nerazîbûn nîşan dan.
Endama Komeleyê Nûjîn Yagci, diyar kir ku mirina Rojîn Kabaîş wekî xwekuştin hatiye binavkirin, lê di raporê de du nimûneyên DNA yên mêran ên cuda hatine dîtin. Nûjîn Yagci, diyar kir ku ew di pêvajoya dozê de daxwaza zelaliyê dikin.
Xwepêşandanek bi heman rengî li Zanîngeha Van Yuzuncu Yil jî hate lidar xistin. Di çalakiya li vir de jî pankartên li ser “Lêpirsîn bike û rastiyê derxîne holê” û “Parastina rewa hebûn e” hatin vekirin.
Xwendekaran daxwaza lêpirsînek berfireh û rakirina biryara nepenîtiyê ya li ser dozê kirin.
Hate diyarkirin ku xwepêşandan wê di rojên pêş de jî berdewam bikin.
