Julian Dray, timî li ser hesabê xwe yê X’yê balê dikişîne ser komkujiyan û peyamên hevgirtina bi Kurdan re parve dike.
Di peyama ku vê sibehê hatiye parvekirin de ev tişt hatin gotin;
“Divê em matmayî nemînin. Deh salan hêzên Îslamîst berê xwe dabûn Îranê. Îro jî Tirkiyeya Erdogan hewl dide xwe mîna ‘gurekî milayîm’ nîşan bide û vê rolê dewr bigire.”
“Li ser hucreya dîplomatîk a Qesra Elysee kesek ku rewşa Kurdistana Sûriyeyê pir baş dizane heye… Îcar çima çav ji vê yekê re tê girtin? Li pişt êrîşan kîjan bazariya qirêj heye?”
“Rastî pir zelal e: Ev pênc sal in Kurd li ser navê cîhanê bi hezaran terorîstên ji neteweyên cuda di bin kontrolê de digirin. Armanca êrîşa îro berdana van terorîstan e. Ger ev pêk were, divê cîhan ji bo gelek trajediyên nû amade be.”
“Ev şeş meh in li Sûriyeyê kesek ku ewil damezrînerê DAÎŞ’ê bû û piştre jî El Qaîdeyê ava kir, weke mirovek ‘rêzdar’ ji bo me tê pêşkêşkirin. Lê rastî pir cuda ye; Milîsên wî li qadê bêhesab û bêceza dimînin. Bi hevkariya eşkere ya bi Erdogan re komkujiyan dikin.”
