Koordînasyona KJK’ê ji ber wefata nivîskar û wergêr Sevîm Bellî peyameke sersaxiyê weşand. Peyama KJK’ê bi vî rengî ye:
“Çinareke din a gelê Tirkiyeyê jiyana xwe ji dest da.
Sevîm Bellî çinareke 100 salî, rêbereke jiyanê ya mînak û berxwedanê ya 100 salî!
Sosyalîst, nivîskar, wergêr, mirova mezin Sevîm Bellî ku 24’ê Sibata 2025’an çavên xwe li jiyanê girt, em bi xemgînî bi wefata wê hesiyan. Em vê dost û hevrêya xwe ya ku temenê xwe di nava tevgera sosyalîst de derbas kiriye, baweriya xwe bi doza azadiyê ya gelan anî bû, weke jinên Kurd bi hurmet bi bîr tînin û di serî de malbata wê êşa hemû xizm, hevrêyên têkoşînê û tevgera sosyalîst demokratîk a Tirkiyeyê parve dikin, sersaxiyê dixwazin.
Bi fedakarî, dilxwaziya têkoşînê, hezkirina ji mirov, wêrekî, hêvî û berxwedêriya xwe temenekî bêrawestan jiya. Sevîm Bellî tevkariyên girîng li pêşketina tevgera çep a Tirkiyeyê kir û bi kesayetiya xwe ya pir alî û têkoşîna xwe mîrateyeke mezin li pey xwe hişt. Bi nivîsên xwe, bi wergerên xwe yên ku bi kedeke mezin kir, bi keda xwe ya şoreşgerî ya bê dawî û jiyana xwe ya têr û tijî ya bi têkoşînê, bû nirxek ku ji nifşên nû re bibe mînak.
Weke jin, em ê ked û kesayetiya wê ya şoreşger ku timî ji me re mînak e, di aqil, dil û têkoşîna xwe de bi bîr bînin. Em ê mîrate û kesayetiya wê ya şoreşger di têkoşîna xwe de bidin jiyîn.
Tu, çinareke şoreşger a ku dilê xwe bi sosyalîzm, hezkirina mirov, dilxwaziya bi rojên ronî yên paşerojê û şoreşger, bi kesayetiya xwe ya entellektuel te di her gavê de ronahî belav kir. Tu ket bin barê têkoşîna ked û demokrasiyê, li dijî mêtingeriya kapîtalîst û zexta neteweyî tu bû hevrêya hêzên têkoşer, te ji kesayetiya xwe ya enternasyonalîst û antî emperyalîst ti carî tawîz neda. Ji ber windakirina nirxekî ewçend bijarte yê vê xakê em xemgîn jî bin, tu bû kesayeteke şoreşger ku gel û jinên Tirkiyeyî wê her tim bi serbilindî qala te bikin. Te guh neda bayê xurt ê faşîzmê û darbeyan, ji bo jiyaneke sosyalîst, demokratîk û azad de berdêl da û bi vî rengî kete hişê mirovan.
Di hevpeyvînekê de te gotibû, “…Min xwest qedir û qîmetê me bê zanîn. Beriya her tiştî min xwest tevkariya min lê bibe. Min xwest bi kêr bêm. Ne ji bo xwe ji bo me hemûyan min xwest bi kêr bêm’. Tam li gorî gotina xwe û hêviya xwe tu jiya. Ji bo cîhaneke hîn bedew te ti carî dest ji xewn û xeyalên xwe berneda. Bi cewhera xwe, bi gotina xwe, bi pênûsa xwe, bi têkoşîna xwe ji bo bi kêr bê te hewl da. Ne jin, ne kedkar, ne gelên Tirkiyeyî ne jî em jinên Kurd em ê te ti carî ji bîr nekin, qedrê te timî zanibin û te bi bîr bînin.
Bi hurmetdarî û minetdarî tu xweş razê. Hevrê Sevîm xewn û xeyalên te yên şoreşgerî sosyalîst emanetî me ne…”
