Di daxuyaniya 8’ê Cotmehê ya Navenda Ragihandin û Çapemeniyê ya HPG’ê de hatibû gotin, “Endamê Komîteya Navendî ya PKK’ê û Endamê Konseya Fermandariyê ya HPG’ê hevrêyê me Şivan Cîlo Gever û hevrêyên pê re Kerîm Avareş û Şervan Perwer di 16’ê Hezîrana 2023’an, ji milîtanên pêşeng ên PKK’ê hevrêyê me Ronî Baz Gever 10’ê Tîrmeha 2023’an de li Herêmên Parastinê yên Medyayê di encama êrîşa dewleta Tirk a dagirker de şehîd bûn.”
Daxuyaniya Koordînasyona Komalên Ciwan a li ser mijarê bi vî rengî ye:
“Di şexsê Şivan Gever, Ronî Gever, Şervan Perwer û Kerîm Avareş de em bejna xwe li beramber bîranîn û lehengtiya hemû şehîdên şoreşê ditewînin. Soz didin ku em ê heta dawiyê şopdarê xeta egîdî û fedayîtiya Apoyî bibin, ya ku bi berdêlên giranbuha hatiye ava kirin.
Têkoşîna azadiya gelê Kurdistanê di pêşengtiya Rêber Apo de nîv sedsal zêdetire berdewam dike. Bandora vê jî niha di asteke gerdûnî de ye. Hêz, kûrahî û mafdariya ramanên Rêber Apo, wê di serdema niha û ya pêşiya me de jî diyarker bibe. Bêguman haveynê vê tekoşînê jî ji guleya yekemîn heya roja me ya îro, ruhê ciwan ê Rêber Apo ye. Wî ruhî bi xwe re dîroka lêhengiyê ava kir. Bi wêrekî, dildarî, fedakarî û hezkirina ciwanên Kurdistanê, doza azadiyê bêyî westan û rawestan gihişte roja me ya îro. Yek ji wan pêşengan jî Heval Ronî Gever bû. Salên dûr û dirêj pêşengtiya pêvajoyên pir hesas û krîtîk kir. Di hemû qonaxên çarenûsê diyar dike de, Heval Ronî karîbû bi awayek herî serfetî xîtabî ciwanên çar parçeyên Kurdistanê û derveyî welat bike.
Herêm û derdora Şehîd Ronî lê mezin bû, çanda qedîm a jiyana komunal a Zagrosan li karakterê heval Ronî bar kiribû. Şehîd Ronî karakterê xwe yê ku ji çiyayên Sumbil û Cîlo girtî, bi hosatiyekê şoreşgerî bi modernîteya demokratîk re kire yek.
Ji ber vê jî;
wekî Rûbarên Zapê, herikbar û bi çoş,
wekî gelî û deriyên Çarçela û Govendê efsûnî,
wekî kevî û qeşayên kevnar jî berxwedêr bû.
Heman demê malbata di nav de jî mezin bibû, çanda serhildêriya qebîle û eşîrên komunal nav xwe de dihewand. Ji destpêka têkoşîna me heya roja em ya îro, Eşîra Gewdan tu carî ji xeta welatparêziyê tawîz nedan. Binemala hevrêyê me bi sekna xwe pîvanên welatparêziyê her tim bilind kirin û hevrê fermandarên wekî Şehîd Cûdî Gever û Şehîd Ronî Gever diyarî tekoşîna azadiya gelê Kurdistanê kirin.
Heval Ronî wekî zarokek serhildanan, hîn di biçûkatiya xwe de tevgera azadiyê nas dike û piştî mezin dibe beşdarî nav kar û xebatên ciwanan dibe. Ji 2007’an heya sala 2019’an jî di kar û xebatên ciwanan de li her çar parçeyên Kurdistanê bost bi bost têdikoşe.Ruxmê ewqas ked û ezmûnên xwe jî Heval Ronî her tim lêger û tîbûna xwe ya azadiyê mezintir dikir. Bi dilnizmî, kedkarî, fedakarî wêrektî, manewiyata xwe û bi gelek xisletên din ên milîtantiya Apoyî, her cihê çûyê di dilê hevalên xwe û gelê xwe de cihek nayê jibîrkirin ava kir. Heman demê her karê ku kir jî derveyî serketinê pîvanek din qebûl nekir. Ew taybetmendiyên Şehîd Ronî jî dihişt ku her pêvajoyê de karên stratejîk û pêngavên mezin bavêje. Di pêşxistina pêngavên wekî ‘Êdî Bes e, avakirina nasnameya YDG-H, Pêngava Serîhilde û hwd de’ di gelek xebatên bingehîn yên bi vî rengî de rol û ristek esasî dileyîze. Bi vî ruhê encamgir û serhildêr navê xwe bi tîpên zêrîn di dîroka ciwanên şoreşger de nivîsand. Heman demê bi ûslûbê xwe yê çêker û bandorker jî hezaran ciwan tevlî nav refên azadiyê kirin û perwerde kirin. Heman demê bi wan taybetmendiyên xwe yên kolektîf, parveker û rêxistinî re di nav gel de hestên bi nirx ên azadî û welatheziyê ava kir. Ango hem perwerde tarzê Şehîd Ronî yê jiyanê bû, hem jî jiyana wî ji me hevalên ciwan re wekî akademiyekî û wekî dibistanekî şoreşê bû.
Bi kesayeta xwe ya pir alî jî her cihê kû lê bûya, wekî pêşeng û rêzanekî dihate qebûl kirin. Bi xwezayî bûyîn û çanda gelêrî ya ku di xwe de hewandibû, di her gotin û tevgerek ya xwe de dida nîşankirin û dibû çavkaniya moralê. Bi xwe perwerdekirinê û pratîkên serketî, asta ku di xwe de ava kiribû, bibû mînaka rexnedayîna rast a hevaltiya kêm. Bi parastin û mezinkirina hestên xwe yên şoreşgerî jî di kesayeta xwe de kêlî bi kêlî aliyên hunerî pêş dixist.
Ji bo Heval Ronî şerê azadiyê dihat wateya avakirina rûmeta jiyanek hunerî. Ango jiyana ji aliyê mêtingerî û dagirkeriyê ve hatibû diyar kirin red kiribû. Li beramberî vê bi hêrs û nefretek mezin şer kir.
Heval Ronî, bigewdebûna ruhê Apoyî yê rêxistinî û çalakbûyî bû. Ji ber vê jî her cihê lê bû parazvanek yeman yê xeta Apoyî bû. Hem nirx parastin hem jî li ser zêde kirin şêwazê wî yê jiyanî bû. Mîrasa ku dewirgirtibû, di kesayeta xwe de bi pêkanîna paradîgmayê re bersivand. Kûrbûna wî ya îdeolojîk jî dihişt ku bi xwe re paradigmayê bibe her derê. Bawerî û xebata Şehîd Ronî ya ji bo serxistina Sosyalîzma Demokratîk di jiyana civakê de, guhertin û vegûhertinên bingehîn çêdikir. Bi xeta bîrdoziya azadiya jinê, her tim di nava hewildayîna kesayeta xwe ji nû ve avakirinê de bû. Bi nêzîkatiyên xwe yên ji dil û bi hurmet nêzî hemû hevalên jin dibû. Heman demê li beramber hêza pêşengtiya jinê kelecanek pir mezin jiyan dikir. Bi lêhûrbûnên fedatiya Apoyî her tim hewil dida bi jinê re hevaltiyek rast bike.
Pêwîste baş were zanîn ku di welatek wekî Kurdistanê de jiyanek bi rûmet, encax bi têkoşîna gelê me yê welatparêz û bi keda fermandarên wekî Şehîd Ronî û Şehîd Şivan Geveran pêkan e. Rêber Apo bi pêşxistina pêvajoya civaka aştî û demokratîk re derfet û rêya jiyanek nû avakiriye. Ruxmê ewqas tecrîda girankirî jî, Rêber Apo dixwaze tekoşînê bi serkeftinek dîrokî bixemilîne. Em wekî Tevgera Ciwanên Apoyî, bihêrs û nefretek mezin, di salvegera 27. Komploya navnetewî de diyar dikin kû em ê xeyalên şehîdên xwe ya fîzîkî azadiya Rêber Apo pêk bînin. Diyar dikin kû em ê tucarî ji xet û sekna Şehîd Ronî’an tawîz nedin û bi rihê fedayîtiya milîtaniya Apoyî heta dawiyê tekoşînê bilind bikin.
Li rastiya şehîdan xwedî derketin, erka herî sereke ya şoreşgerî û mirovî ye. Şehîd remzên azadiyê yên herî şemildarin. Heval Ronî jî bi aliyên xwe yên xwe gihandî asta gerdûnî, bû mînak û pîvana komûnalîstiya Apoyî. Em jî wekî tevgera Ciwanên Apoyî pêwîste li çar parçeyên Kurdistanê û derveyî welat, li hemû qadên tekoşînê, divê ciwan xwedî li bîranîna wan derbikevin.
Li ser vê esasê, em dubare fermandar û pêşengê xwe yê manewî û serkeftî bi heskirin û minnetdariyek mezin bibîrtînin û soza xwe ya pêkanîna xeyal û armancên wan dubare dikin. Di şexsê malbata hêja ya Şehîd Ronî de sersaxiyê, ji hemû gel û ciwanên Kurdistanê re dixwazin.”
