Komîteya Çalakiyê ya Fîlîstînê êrîşa artêşa Îsraîlê ya li ser Fîloya Sumud a Navneteweyî li Stenbolê bi meşeke girseyî şermezar kir.
Komîte ber bi Serkonsolosiya Îsraîlê ve meşiya û nerazîbûn nîşanî polîtîkayên durû yên desthilatdariya AKP’ê yên têkildarî meseleya Fîlîstînê da.
Di çalakiyê de hate ragihandin ku heta ambargoyeke tam bê ferzkirin wê têkoşînê dewam bikin.
Di meşê de pankarta bi nivîsa “Bes e ji dorpêçê re, azadî ji Fîloya Sumud re” hate hilgirtin û dirûşmên “Azadî ji Fîlîstînê re, boykot ji Îsraîlê re”, “Kujer Îsraîl, hevkar AKP”, “Ji çem heta deryayê Fîlîstîn a azad” hatin qîrîn.
