Partiya Demokrasî û Wekheviyê ya Gelan (DEM Partî) di çarçoveya amedekariyên 5’emîn Kongreya Mezin de, Konferansa Herêma Marmarayê lidar xist. Di konferansê de ku li salona konferansê ya Navenda Çandê ya Alî Emîrî ya li Stenbolê hat lidarxistin pankartên “Jin, jiyan, azadî” û “Ji bo komara demokratîk civaka azad û rêxistinkirî” hate daliqandin. Piştî hilbijartina dîwanê, merasîma rêzgirtinê hate lidarxistin û axaftina destpêkê ji aliyê Mahfûz Guleryuz ve hate kirin.
Guleryuz diyar kir ku ew di dema nûbûnê de ne û wiha axivî: “Bi destpêkirina Pêvajoya Aştî û Civaka Demokratîk, PKK a ku 50 sal in mohra xwe li hemû geşedanên polîtîk ên li Rojhilata Navîn xistî û li her bajar û welatî xwe bi rêxistin kirî, xwe fesix kir û biryara destpêkek nû da û got ‘ez bi têkoşîneke nû, bi formateke nû ya rêxistinkirinê vê pêvajoyê pêşwazî dikim’. Nexasim piştî piştî banga rêzdar Ocalan, rêxistinê ev bersiv daye û ev gav li cemaweriya cîhanê dengek xurt vedaye. Ji Amerîkayê heta Rojhilat her welat ev pêvajo wek qonaxeke nû pênase kir û biryara PKK’ê erênî, geşedanek pozitîf nirxand.”
Guleryuz anî ziman ku hevkêşe guherîne û tevgerên ku siyaseta Rojhilata Navîn diyar dikin xwe guherandine û DEM Partî jî li gorî vê ketî nava guherînek guncav û wiha pê de çû: “Hûn jî dizanin, dema hilbijartinên 2023’yan partiya me HDP bi pêvajoya girtinê re rû bi rû ma. Derheqê partiya me de doz hat vekirin. Bi lez em di din sîwana pêkhateya me Partiya Yeşîl Solê de bi rêxistin bûn û me kongre li dar xist. Piştre em beşdarî hilbijartinan bûn. Pêvajoyek awarte bû. Wê demê me her tişt bi rêkûpêk nekir. Ji ber vê bernameyek me tune. Sedema lidarxistina konferansê yek jê mijara rêzikname û bernameyê e. Em ê di pêvajoya nû de di bername û rêziknameyê de veguherîna çêkin, nû bikin. Ji ber vê di nîqaşên me de divê em van mijaran jî gotûbêj bikin.”
Piştî axaftinan konferansê ji çapemeniyê re girtî dewam kir.
