Laleş Çelîker piştî 30 salan di 3’ê Gulanê de hate berdan. Çelîker li Tetwanê bi awayekî girseyî hate pêşwazîkirin Pêşwazî di pêşengiya Partiya Wekhevî û Demokrasiyê ya Gelan (DEM Partî) pêk hat û parlementerên DEM Partî ya Bedlîsê, Meclîsa Dayikên Aştiyê ya Bedlîsê, nûnerên partiyên siyasî û rêxistina girseyî ya demokratîk ên li bajêr tevlî pêşwazîkirinê bûn.
Laleş Çelîker bi dirûşmeyên “Bijî berxwedana zindanan û çepikan hate pêşwazîkirin û girseyê piştre derbasî Avahiya DEM Partî ya Tetwanê bûn. Parlementerê DEM Partî yê Bedlîsê Huseyîn Olan li vir axivî û diyar kir ku Kurd bi salan in ji bo ziman û hebûna xwe têdikoşin. Piştî axaftinan Laleş Çelîker ji avahiya navçeyê kevoka spî firand ku sembola aştî û azadiyê ye. Pêşwazî bi çepik û dirûşmeyan bi dawî bû.
