Bûyera trajîk di encama teqîna trafoya ceyranê ya Lîseya Barthelemy Bogandayê de qewimî.
Li gorî RFI’yê di dema ezmûna qedandina lîseyê de ku nêzîkî 3,500 xwendekar ketibûn ezmûnê, trafoya ceyranê ya bînaya dibistanê ji ber sedemên teknîkî xirab bû û di dema mudaxeleya îdareya ceyranê ENERCA’yê de teqiyaye. Dûya zêde ya di encama teqînê de derket holê, di nava xwendekaran de bû sedema panîkeke mezin.
Wezîrê Perwerdeya Efrîqaya Navîn Aurelien Simplice Kongbelet-Zingas diyar kir ku ji ber panîka piştî bûyerê di nava xwendekaran de îzdîhamekê rû daye, gelek xwendekar birîndar bûne û hin xwendekaran jî jiyana xwe ji dest dane. Wezareta Tenduristiyê jî da zanîn ku herî kêm 29 xwendekaran jiyana xwe ji dest dane.
Gelek xwendekarên birîndar ji nexweşxaneyan re hatine sewqkirin. Hêzên ewlehiyê ji bo pêşîlêgirtina rageşiya piştî bûyerê li nexweşxaneyan tedbîr standin. Wezîrê Perwerdeyê diyar kir ku ji bo eşkerekirina bûyerê ew ê bi lez dest bi xebatan bikin.
Piştî bûyerê ezmûnên “baccalaureat” (qedandina lîseyê) ku dihat payîn dawiya vê hefteyê bi dawî bibin, bi demkî hatin sekinandin.
