Li gorî daxuyaniya şîrketa elektrîkê ya dewletê PLN’ê qutbûna elektrîkê bandor li gelek deverên giravê kir. Her wiha qutbûna elektrîkê bandor li Balafirgeha Navneteweyî ya Baliyê jî kir, lê çûn û hatin bênavber didome.
Di wêneyên li ser medyaya dîjîtal hatine parvekirin de tê dîtin ku ji ber qutbûna elektrîkê trafîk asê bû ye û li ber cihên bilêtan ên balafirgehê jî rêz çêbûye. Balî yek ji navendên sereke yên tûrîstîk ên Endonezyayê ye û par 6.3 milyon tûrîstên biyanî hatin Baliyê.
Berdevkê PLN’ê I Wayan Eka Susana daxuyand ku ew li ser sedema qutbûna elektrîkê lêkolînê dikin û got: “Em di pêvajoya gav bi gav çarserkirina elektrîkê de ne.” Sedema qutbûna elektrîkê hîn jî nehatiye ragihandin.
