Bahçelî di civîna komê de li ser pêvajoyê axivî ku bi banga Rêber Apo di 27’ê Sibatê de destpê kir û anî ziman ku pêvajo ber bi dawiyê ve diçe.
Bahçelî anî ziman ku pêvajo wê Tirkiyeyê ji “qilûzên” wê rizgar bike û got, nexşerêya li ser pêvajoyê divê bi tecrûbeyên berê bê diyarkirin.
Bahçelî nerazîbûn nîşanî dijberên pêvajoyê da, bersiveke tund jî da rexneyan û got, “Em ê nehêlin ku rûyên pêçandî rê li ber bigirin.”
Bahçelî anî ziman ku serketina pêvajoyê li berjewendiyên neteweyî tê û got, “Em çiqasî bala xwe bidin rabirdûyê em ê ewqasî jî pêşiya xwe bibînin.”
Bahçelî diyar kir ku pêvajo ber bi dawiyê ve diçe û got, “Ev welat a me hemûyan e. Berpirsyariya her kesî ye, bi taybetî jî ya partiyên siyasî ye ku zimanekî paqij bi kar bînin, empatiyê bikin û dilpak bin. Em dijminatiyê li hev bikin, ev ê bibe nebaşiya herî mezin ku li Tirkiyeyê bê kirin. Pêvajoya ‘Tirkiyeya bê teror’ ber bi dawiyê ve diçe. Meseleya me ew e ku Tirkiyeyê di asta herî bilind de be. Meseleya me welat e, milet e, yekdilbûyîna 86 milyon mirovî ye.”
