Hevşaredar, endamên meclîsê û gelek jin beşdarî civîna ku li ber Navenda Piştevaniyê ya Rojîn Kabaîş a Şaredariya Rezan hatî lidarxistin, bûn.
Di daxuyaniya hatî dayîn de, hate destnîşankirin ku tundiya li ser jinan encama çêkereke sîstematîk û desthilatdariya mêr e.
Psîkologa Midûriyeta Polîtîkayên Jin a Şaredariya Rezan Rozerîn Dogar daxuyaniya hevpar a bi zimanê Tirkî, Psîkologa Midûriyeta Polîtîkayên Jin a şaredariya Peyas Fatma Budak Gul jî Kurdiya wê xwend.
Şaredariyên DEM Partiyê diyar kirin ku kampanyaya wan a bi dirûşmeya “Gotina me bi dawî nebûye; em ê bi hev re tundiyê rawestînin” ketiye sala xwe ya 2’yan.
Nûnerên şaredariyê anîn ziman ku ew li dijî êrîşên li ser mafê jiyanê ya jinan armanc dikin ku piştevaniya civakî mezin bikin û “bi pêşengiya jinan jiyaneke demokratîk, ekolojîk û wekhev” ava bikin.
Di daxuyaniyê de hate diyarkirin ku divê Xeta li dijî Tundiyê ALO car din aktîf bibe, Navendên Piştevaniya Jin ên di dema qeyim de hatine girtin car din bên vekirin, perwerdeyên ji bo wekheviya zayendî ya civakî, civînên jinan û atolyeyên hilberandinê bên lidarxistin.
Di daxuyaniyê de her wiha ji bo têkoşîna li dijî tundiyê bibe sazî, “Belgeya Helwesta Têkoşîna li dijî Tundiyê ya li ser esasê Zayenda Civakî” ji bo meclîsên şaredariyan hate qebûlkirin.
Civîn bi dirûşmeya “Jin jiyan azadî” û belavkirina broşuran bi dawî bû. Nûnerên Şaredariyan ragihandin ku ew ê di çarçoveya 25’ê Mijdarê de li navenda bajêr û navçeyan civîna bi jinan re bidomînin.
