Malbatên şehîdan, endamên saziyên civaka sivîl û Rêveberiya Xweseriya Demokratîk jî di nav de, xelkê kantona Firatê sersaxî da malbata şehîdê Hêzên Komandos Zagros (Mistefa Yûsif ).
Şehîd Zagors 18`ê Adarê dema li ser erka xwe li Dêrazorê şehîd bû, duh bi merasîmeke bi heybet li Pakrewangha Şehîd Dîcle hatibû oxirkirin.
Ji bo şehîd Zagors îro merasîmê sersaxiyê li taxa Şehîd Kawa ya li bajarê Kobanê hat lidarxistin.
Di merasîm de endama Meclisa Malbatên Şehîdan Necmê Kenco sersaxî ji malbata şehîd Zagros re xwest û got;” Şehîd Zagros ji bo gel û axa xwe biparêze, her tim di nav têkoşînê de bû. Dewleta Tirk her timî êrişî deverên Kurdan lê dijîn dike. Lê em ê jî her tim berxwedanê mezin dikin da ku tola şehîdên xwe ji dijmin hilînin. Em jî wek dayikên şehîdan heta dilopek xwîn di canê me de hebe, em ê tola şehîdên xwe hilînin. Em soza şopandina rêya şehîdan bidomînin.”
Merasîm bi dirûşma” Şehîd namirin ” bi dawî bû.
