Li Kantona Cizîrê li hemberî êrişên gengaz ên çeteyên dewleta Tirk, Heyet Tehrîr el Şam (HTŞ) û DAÎŞ’ê û gefên dagirkeriyê, gel di berxwedana xweparastinê de ye.
Şêniyên herêmê li hemberî êrişên gengaz ji bo parastina tax û qadên xwe yên jiyanê bi şev û roj li kolanan nobedê digire.
Di serî de Qamişlo li gelek bajarên kantonê jin, ciwan û extiyar li gel şert û mercên giran ên zivistanê bi biryardarî di nobedê de ne.
Nobedarên ku li nava taxan agir dadan e, ji aliyekî ve hewl didin xwe germ bikin, li aliyê din jî hesta moral û piştevaniyê xurt dikin.
Nobedar bang li xelkê herêmê dikin ku nekevin nava fikaran. Yek ji nobedaran got, “Bila dilê gelê me rehet be. Ciwanên me û şervanên me wê di nava vê serma û berfê de parastina we dewam bikin. Ev xak a me ye, em ê neterikînin. Serketin wê ya me be, bijî yeîtiya Kurdan.”
Her wiha işaret bi girîngiya amadekarî û rêxistiniya li dijî gefên gengaz jî kirin û bi bendên nobedê yên li nava taxan hem ewlekariyê dikin hem jî hesta piştevaniyê li nava gel xurt dikin.
