Hegsth li ser hesabê xwe yê X’ê daxuyaniyek da û got, “Ez îro Operasyona ‘SOUTHERN SPEAR’ (Rimê Başûr) radigihînim. Ev wezîfe ji bo parastina welatê me, ji bo tinekirina narkoterorîstan li ser rûyê erdê û ji bo parastina gelê me ji narkotîkê ye.”
Wezîrê Parastinê li ser çarçoveya operasyonê yan jî cudahiya wê ji karên heyî yên leşkerî ti agahî neda.
HERÊM BI MEHAN HATE BOMBEKIRIN
Rêveberiya Serokê DYE’yê Donald Trump ji meha Tebaxê û vir ve li Karîbîkê û Pasîfîkê bi navê “Operasyona li dijî narkotîkê” kampanyayeke leşkerî ya berfireh dimeşîne. Gelek keştî û balafirên şer li herêmê hatine bicihkirin. DYE bêyî ku delîlekê pêşkêş bike, bi îdîaya ku narkotîk bi wan re heye 20 êrişên hewayî li ser keştiyan kir. Di van êrişan de bi giştî 76 kesan jiyana xwe ji dest dan.
LI VENEZUELAYÊ SEFERBERIYA LEŞKERÎ
Li aliyê din CBS Newsê diyar kir ku fermandarên DYE’yê yên payebilind diyar kirin ku gelek alternatîfên cuda yên leşkerî li hemberî Venezuelayê pêşkêşî Trump hatine kirin û êrîşên leşkerî jî yek ji wan e.
Artêşa Venezuelayê jî roja Sêşemê diyar kir ku li seranserê welêt “Li dijî emperyalîzma Emerîkayê” dest bi bicihkirina leşkerî ya girseyî kiriye.
Heman rojê keştiya balafiran a herî pêşketî ya DYE’yê gihîşt peravên Latîn Emerîkayê. Rêveberiya Caracasê îdîa dike ku Washington “bazirganiya narkotîkê dihe bahane” û guhertina rejîmê ferz dike, dixwaze dest dîne ser petrola welêt.
