Konseya Ewlehî û Parastinê ya Neteweyî ya Cuntayê daxuyanî da û got, “Serokê Dewleta Demkî ya Komara Yekîtiyê ya Myanmar 6 hezar 134 girtiyên jin û mêr ên ku li girtîgeh, navendên binçavkirinê û kampên xebitinê cezayên xwe kişandine, efû kiriye.”
Di daxuyaniyeke cuda de jî hate diyarkirin ku 52 girtiyên biyanî jî wê bên berdan û dersînorkirin.
Cuntaya leşkerî piştî darbeya Sibata 2021’an li seranserî welêt bi hezaran çalakvan û aktîvîstên muxalîf girt û vê pêvajoyê Myanmar ber bi şerekî navxweyî yê kûr ve biribû.
Konseya Ewlehiyê ya Neteweyî anî ziman ku ev efû “ji ber sedemê mirovî û rehmê” hatiye dayîn.
Li aliyê din, hilbijartinên giştî yên ji aliyê cuntaya leşkerî ve hatin lidarxistin, 28’ê Kanûnê roja Yekşemê destpê kir. Li gorî encamên ku medyaya dewletê dawiya hefteyê ragihandî, Partiya Piştevanî, Pêşveçûn û Yekîtiyê ya alîgirê cuntayê (USDP) ji sedî 90’ê kursiyên li Meclîsa Nûneran bi dest xist.
