Çalakiya ku bi beşdariya Meclîsa Gelê Kurd a Brîtanyayê û tevgerên Kurdistanî pêk hat, parlamenter, akademîsyen, karsaz û nûnerên saziyan jî amade bûn.
Di resepsiyonê de konsereke muzîkê ya taybet bi çanda Kurd hat pêşkêşkirin. Beşdaran bi kincên xwe yên neteweyî rengek cuda dan çalakiyê.
Aktîvîsta Kurd Sara Hacî, di axaftina vekirinê de bal kişand ku Newroz ne tenê hatina biharê ye, di heman demê de ji bo gelê Kurd cejna azadî û berxwedanê ye.
Di resepsiyona Newrozê ya li Parlamenta Walesê de Egît Cevîz, destnîşan kir ku Newroz sembola demokrasî û azadiyê ye.
Darren Millar cejna gelê Kurd pîroz kir û li ser sembola hevpar kûlîlka ‘Nêrgîz’ axivî û got, “Ev sembol nirxa me ya hevpare û mizgîniya hatina biharê ye.”
Çalakî bi gerandina govendê bi dawî bû.
Komîteya Têkiliyên Derve yê Meclîsa Gel a Kurd bi Serokê Partiya Muhafazekar a Walesê Darren Mîllar re hevdîtin pêk anî û dosyayek ku tê de banga aştiyê ya Rêber Apo hebû pêşkêş kir.
Millar diyar kir ku ew piştgiriyê didin vê bangê û erka dikeve ser milê wan wê pêk bînin.
