Li Venezuelayê piştî erdhejên 24’ê Hezîranê xebatên lêgerîn û rizgarkirinê berdewam dikin. Hat ragihandin ku hejmara kesên jiyana xwe ji dest dane gihîştiye hezar û 450 kesan û zêdetirî 3 hezar û 150 kes jî birîndar bûne.
Serokê Parlamentoya Neteweyî ya Venezuelayê Jorge Rodriguez, piştî her du erdhejên mezin ên bi pileya 7.2 û 7.5, agahiyên herî dawî yên derbarê hejmara mirî û birîndaran de parve kirin. Jorge Rodriguez da zanîn ku heta roja îro 12 hezar û 721 kes ji ber erdhejê ji cih û qadên xwe bûne û koçber bûne û eşkere kir ku 774 avahî bi temamî rûxiyane.
Rodriguez destnîşan kir ku li seranserî welat zêdetirî 25 hezar wezîfedar ji bo xebatên lêgerîn û rizgarkirinê seferber kirine. Tê pêşbînîkirin ku li Venezuelayê hîn jî bi dehan hezar mirov di bin kavilan de ne.
Neteweyên Yekbûyî daxuyand ku tê payin ku hejmara qurbaniyan nêzî 50 hezar kesan e û biqasî 6.76 milyon kes wê ji erdhejê bi bandor bibin.
