Fermandarê Giştî yê Hêzên Sûriya Demokratîk (QSD) Mazlûm Ebdî ragihand hêzên wan bersivê didin êrişên hovane yên li dijî welatiyên Kurd ên li tevahî herêman. Ebdî berxwedana şêniyan û şervanan li dijî van êrişên hovane silav kir.
Ebdî destnîşan kir ku li dijî avahî û girtîgehên çete û malbatên DAIŞˊê li Şedadê û kampa Holê êrişên xeterank çêbûn. Ji şeva berê ve hewldanên ketin û kontrolkirina kampa holê tên kirin, bi tank û panzêran êrişên dijwar pêk tînin. Ji berê w parêzvanên kampê mecbûr bûn vekişin.
Di dewama axaftina xwe de Mazlûm Ebdî destnîşan kir ku çeteyên hikumeta demkî li dijî bajarên Hesekê û gundewarê û Kobanê êrişên dijwar pêk tînin, ev êriş li gel tevahî bangên QSDˊê yên beriya du hefteya ji bo agirbestê kirine, didomin. Hêzên QSDˊê, ji bo parastina herêmên Kurd vekişîn û got ew herêm û şêniyên xeta sor in.
Ebdî da zanîn ku girtîgeha Eqtan a bajarê Reqayê ku hîna şervanên QSD û YPJˊê diparêzin rûbirûyî êrişên dijwar û hewldanên ketinê ye. Ev jî şervanan rûbirûyî xeteriyên mezin û reva girtiyan re dihêle.
Ebdî bang li Koalîsyona Navneteweyî kir ku bi berpirsiyariya xwe ya parastina avahî û girtîgehên endamên DAIŞˊê rabe û divê hikumeta Şamê êrişên xwe rawestîne û li maseya diyalogê vegere.
Fermandarê Giştî yê QSDˊê Mazlûm Ebdî di dawiyê de bang li gelê Kurd ê li tevahî cîhanê û dostên wan kir ku li dora berxwedana şervanên QSDˊê bicivin da ku sivîlan biparêzin.
