Endamên Desteya Rêveber a Navendî (MYK) a Partiya Wekhevî û Demokrasiyê ya Gelan (DEM Partî), bi awayekî awarte li navenda giştî ya partiyê li hev civiyan. Di civînê de ku Hevserokên Giştî Tulay Hatîmogûllari û Tuncer Bakirhan serokatiya wê dikin, dê li ser geşedanên li Rojhilata Navîn û Tirkiyeyê diqewimin bê sekinandin.
Wê bangawaziya Rêber Apo û merasîma şewitandina çekan ya “Koma Aştî û Civaka Demokratîk” ku di 11’ê Tîrmehê de hat lidarxistin bên nîqaşkirin. Di civînê de piştî geşedanên navborî, dê berpirsiyarî û rolên dikevin ser milê meclîsê bên nirxandin. Her wiha dê gengeşeyên ji bo komîsyona tê pêşbînikirin li meclîsê bê avakirin jî nîqaş bê kirin.
Her wiha dê gavên ku divê di çarçoveya Pêvajoya Aştî û Civaka Demokratîk de bên avêtin jî bi berfirehî bên gengeşekirin.
Di rojeva MYK’ê de, dê hevdîtinên ku endamên Şandeya Îmraliyê Pervîn Bûldan, Ozgur Erol û Mithat Sancar bikin jî bê gengeşekirin.
Şande dê sibê hem bi Wezîrê Edaletê Yilmaz Tûnç û hem bi Serokê Giştî yê MHP’ê Devlet Bahçelî û hem jî bi Serokê Giştî yê Partiya Gelecekê Ahmet Davûtoglû re bicive. MYK’ê, dê li ser van hevdîtinan jî bisekine.
Tê payin ku Berdevka DEM Partiyê Ayşegul Dogan di navbera civînê de daxuyaniyekê bide.
