Weşanên Meymanê bi hevkariya rorjnameya Newaya Jin Rojnivîskên Dewreya Akademiya Jinan a Azad a Zeynep Kinaci kir pirtûk. Pirtûk ji rojnivîskên şagirtên akademiyê ya dewreyên navbera 2’ê Kanûna 2009’an û 22’ê Cotmeha 2021’ê pêk tê. Di berhemê de qala pêvajoya perwerdeyê ya têkoşîna azadiya jinê, tecrûbeyên jiyana hevpar û hişê kolektîf tê kirin.
Rojnivîskên 12 salan yekemcar bi rengê yek bergê tê weşandin. Rojnivîskên hatin weşandin ne tenê çavdêriyên şexsî ne, di heman demê de vegotina jiyana hevpar, pêvajoyên perwerdeyê, nîqaş, rexnedayin, hilberîna kolektîf û feraseta azadiyê ya jinan e.
Metna ku li beşa bi sernavê “Li şûna pêşgotinê” hatiye weşandin, qala armanca amadekirina berhemê dike. Şagirtên akademiyê rojnivîskên xwe weke “şopeke li dîroka jinê ya azad hatiye danîn” pênase dikin û nivîsandinê jî li dijî vegotina dîroka serweran weke hewldanek ji bo afirandina hişekî alternatîf dinirxînin.
Di pêşgotinê de bi gotina “Ji bo me niha dema jinê ye” jin biryardariya xwe ya ji bo jinûve avakirina dem û dîroka xwe nîşan didin.
Di nivîsa bi sernavê “Destpêkirin” de ya li beşa destpêkê ya pirtûkê hate weşandin, armanca nivîsandina rojnivîskan tê vegotin. Di nivîsê de tê ragihandin ku ji bo fêhmkirina rast a têkoşîna azadiyê xwendina rast a dîrokê girîng e.
Tê destnîşankirin ku nivîsandina tecrûbeyên li pêvajoya akademiyê ji bo nifşên nû mîrateyeke girîng e.
Di rojnivîskên destpêkê de pêvajoya avabûna atmosfera perwerdeyê, karên amadekariyê yên bi mehan, keda hevpar, atmosfera perwerdeyê û jiyana hevpar bi berfirehî tê vegotin.
Pêvajoya ku keda fîzîkî ya mezin û hilberîna fikrî û parvekirin di nava hev de bimeşe, di hevokên rojnivîsan de tê vegotin.
Metnên ji pênûsa bi dehan jinan a ji demên cuda, berhemê vediguherîne karekî hişekî kolektîf ê bi dengê jinan. Her dewreyeke perwerdeyê ruhê xwe, nîqaş, hêvî û lêgerînên xwe pêşkêşî nifşên nû dike.
Lewma Rojnivîskên Dewreya Akademiya Jinan a Azad a Zeynep Kinaci dibe yek ji çavkaniyên xweser ku tecrûbeyên perwerdeyê yên têkoşîna azadiyê ya jinan ji hundir ve vedibêje.
Vegotinên li rojnivîskan şopa hilberîna kolektîf, pratîka perwerdeyê û jiyaneke li derveyî vegotinên dîroka fermî ye.
Wêneyê bergê yê pirtûkê ji aliyê hunermend Sînan Hezer ve hatiye amadekirin.
