NY’ê hişyarî da: Dibe ku vê havînê El Nînoyek xurt bê jiyîn

WMO ya girêdayî Neteyweyên Yekbûyî ye ragihand ku ji ber germahiyên awarte yên li Okyanûsa Pasîfîk a tropîkalê îhtîmala ku di havîna 2026’an de El Nînoyek bê jiyîn ji sedî 80 ye.
Li gorî nirxandina dawî ya rêxistinê, germahiya rûyê deryayê ya li beşa ekvatora Pasîfîkê ji bo çêbûna şert û mercên El Nînoyê gihîştiye astek guncaw. Hat diyarkirin ku bûyera tê payîn di mehên Hezîran û Tebaxê de dest pê bike, zêdetirî ji sedî 90 îhtîmal heye ku heta Mijdarê berdewam bike.
BÛYERÊN HEWAYÊ TÊNE PÊŞBINÎKIRIN
Li gorî pisporan, El Nîno bêyereke xwezayî ya evhewayê ku ji ber germahiyên avê yên ji ser normalê li beşên navendî û rojhilatê Okyanûsa Pasîfîk çêdibe, derdiekeve holê. Ew bandorê li gerandina atmosferê dike, şert û mercên hewayê li gelek deverên cîhanê diguherîne.
Sekretera Giştî ya WMO’yê Celeste Saulo hişyarî da ku El Nîno wû pêlên germê, hişkesalî û barana dijwar bi xwe re bîne.
Saulo diyar kir ku hem li ser erdê û hem jî li okyanûsan germahî wê germahî rekorê bişkîne û dibe ku bandorên cidî li ser çandinî, çavkaniyên avê û tenduristiya giştî bike.
DIBE KU GERMAHÎ REKORÊ BIŞKÎNE
Serdema dawî ya El Nîno ya mezin, di navbera salên 2023-2024’an de salên herî germ ên ku li cîhanê hatine tomarkirin cihê xwe girt. Pispor destnîşan kirin ku rewşeke wisa dikare di sala 2026’an de jî bê jiyîn.
Li gorî pêşbîniyên WMO’yê tê payîn ku di mehên Hezîran-Tîrmeh-Tebaxê de germahî wê li piraniya cîhanê zêdetir be. Di encama vê de dibe ku li hin herêman xetereya hişkesaliyê zêdetir bibe, di heman demê de dibe ku li hin herêman barana zêde bibe sedema lehiyê.
Zanyar û saziyên meteorolojiyê diyar dikin ku pêwîst e hikûmet û rayedarên herêmî amadekariya xwe ji bo bûyerên hewayê xurt bikin.