Koordînasyona Partiya Azadiya Jinên Kurdistanê (PAJK) bi wesîleya salvegera 46’an a damezrandina PKK’ê li ser malpera xwe ya fermî, daxuyaniyeke nivîskî weşand û Cejna Vejînê li her kesî pîroz kir.
Daxuyaniya Koordînasyona PAJK’ê bi vî rengî ye:
“Bi coş û heyecaneke mezin em salvegera 47. ya damezirandina PKK pêşwazî dikin, bi vê boneyê em vê rojê li Rêber Apo ku di encama kedeke mezin de PKK ava kir û mîmarê PKK’ê ye, pîroz dikin. Di şexsê rêhevalên pêşeng ku di salên destpêkê yê damezrandina PKK’ê de cih girtin weke heval Hakî Karer, Sakîne Cansiz, Kemal Pîr, Mazlûm Dogan de em hemû şehîdên ku di avakirina PKK’ê de kedeke mezin dane û di pêşketina têkoşînê de jî bi lehengî û qehremanî têkoşiyane, salvegera damezrandina PKK’ê li şehîdan pîroz dikin. Salvegera damezrandina PKK’ê li tevayî jinên têkoşer û şoreşger ku ji bo azadiyeke bi rûmet li her derê di nava çeperên têkoşînê de ne, li gelê me yê bi PKK’ê re rabû ser piyan û heta roja îro li ber xwe dide, li dayikên şehîd û gerîlayan pîroz dikin.
PKK’ê heta niha li dijî siyaseta înkar û tunekirinê têkoşîneke bênavber û bêeman meşand û bi îrade û sekna roja destpêkê gihîştiye vê astê. PKK nasname, hêvî û îradeya jina azad û gelê Kurd e. PKK wê her hebe, ji ber PKK fikir û felsefeya jina azad û civaka azad e. Îro li her derê cîhanê ruhê PKK xwe bi govde dike û bi milyonan mirov bûne PKK.
Têkoşîna PKK’ê ku li hember siyasetên ‘faşîzane’ yên dewleta Tirk bi ser ketiye, berfireh û belav bûye. PKK’ê di oxira piştgiriya wijdanî û exlaqî de bo berxwedana gelan fedakariyên mezin nîşan dane.
Ragihandina damezrandina PKK’ê di pêvajoyeke xeternak û girîng de pêk hat. Di wê pêvajoyê de pêwîstiyeke mezin a rêveberiyeke fikrî û îdeolojîk hebû ku bikare civakê ji qirkirinê û asîmîlasyona çandî û nîştimanî û ji qirêjiyên siyaseta faşîzane ya dewleta Tirk rizgar bike. Rêveberiya rasteqîn bingeh û pîvanên zanistî yên avakirina şoreşa rizgariyê ya civakî, nîştimanî û demokratîk a li gorî azadîxwaziya jinê û bi derfetên kêm danîn. Ev yek piştî lêkolînên analîtîk û stratejîk ên dîrokî yên Rêber Abdullah Ocalan tevî komeke hevalên îdeolojîk û fikrî kirine, pêk hat.
Mîlada partiyê mîna bersiva tolhildanê û dîrokî li hember dewleta Tirk a faşîst û dagirker bû. Her wiha destpêka berbangeke nû ya ber bi avakirina pêvajoya veguhertina neteweyî ya mezin bû ku hêvî û baweriya navbera beşên civaka Kurdistanê ji nû ve vegerand. Ev gav veguherî şoreşa rizgariya gelê Kurd û Kurdistanê ya bi pêşengiya jin û ciwanan. Şoreşa ku rêya berxwedan û têkoşîna zehmet ber bi azadiyê ve ji xwe re hilbijart û ji ber bandora destanên lehengiyê yên endam û rêveberên partiyê li girtîgehan, çiya û bajaran ji bo parastina nirxên çandî, polîtîk û civakî li dijî faşîst û dagirkerên Tirk raber kiriye, îradeya gelên azadîxwaz ên herêmê û cîhanê temsîl kir.
Dîroka PKK’ê bi bûyeran dagirtî ye. PKK ji ber komployên herêmî û navneteweyî yên li djiî felsefeya Tevgera Azadiyê ya Kurdistanê rû bi rûyê gelek astengî û zehmetiyan ma. Heta roja me ya îro jî dewleta Tirk a faşîst şerekî xwîndar li dijî îradeya gelê Kurd li her deverê dimeşîne, rojane komkujiyan pêk tîne, hemû cureyên çekan û di nav de yên kîmyewî bi kar tîne. Ev hovîtî wekî bersiva hemleyên cîhanî yên piştevaniya ji bo azadiya fîzîkî ya Rêber Abdullah Ocalan, çareseriya siyasî ya pirsgirêka Kurd, pîrozbahiyên gelan ên bi boneya mîlada partiyê, tê meşandin.
PKK li Rojhilata Navîn û dinyayê di warê geşkirina têkoşîna neteweya demokratîk de roleke pêşeng lîst. Xeta sêyemîn a ku li Rojhilata Navîn hemû gel qala wê dikin, li hemberî êrişên paşverû yên hegemonyayê û herêmî, li hemberî êrîşên faşîst û qirker ên dewleta Tirk, bi berxwedanê xwe îfade dike. PKK bi xeta azadiya jinan, xeta polîtîk û pergala rêxistinî ya ku hiş û dilê jinan ji xwe re dike esas, bandorê li ser hemû rêxistinên çepgir, ekolojîk, azadîxwaz ên dinyayê dike û pêşengtiyê ji wan re dike. Di sala 47’an de jî PKK ji her demê zêdetir nêzî civaka azad a Kurdistan û Rojhilata Navîn, netewebûna demokratîk û azadiya jinan bûye.
PKK weke lêgerînera rastiyê, partiya rûmeta mirovahiyê ye. Weke tevgera herî şoreşger, dînamîk û veguherîner a sedsala 21’ê ji her demê bêhtir bûye hêviya rizgariyê ji gelên Rojhilata Navîn re. PKK bi paradîgmaya demokratîk, ekolojîk û azadîparêziya jinê, ji bo tevahiya mirovahiyê çavkaniya sûdwergirtinê ye. PKK li dijî rêxistiniyên dewletperestiya netewe, neteweperestiyê, bi mejiyê neteweya demokratîk temsîla çareseriya aştiyane û jiyana demokratîk dike. PKK bi nêrîna xwe ya sosyalist û azadiya jin li dijî mejî û çanda baviksalariyê tevgereke azadiyê ya herî bi îdîa ye. Li dijî sîstema modernîteya kapîtalîst, partiya me PKK yekane hêz e ku modernîteya demokratîk bi rêxistin kiriye. Em sala têkoşînê ya 47’an a PKK’ê bi daxwaz, biryardarî û coşeke mezin pêşwazî dikin.
Faşîzma AKP-MHP’ê ya qirker dijminê hemû nirxên civakî ye û temsîla hegemonyaya hemû cihanê û modernîteya kapîtalîst dike. Heta ku li ser vê xeta faşîst a yekreng raweste, bi çetebûnê, mafyabûnê û kirine bin xizmeta xwe dibe weke ûrekî kansêrê û hemû civakê nexweş dike. PKK a ku bi têkoşîna xwe ya gerdûnî dema xwe ya herî xurt dijî, di vê demê de ku desthilata faşîst herî xurt e, berxwedan daye ber xwe û gavekê jî ji têkoşînê dûr nemaye.
Nexasim jî têkoşîna ku gerîlayên HPG û YJA Starê pêşengiya wê dikin di pêvajoya berxwedanê de pişt li AKP-MHP’ê şikandine. Derbên ku gerîlayên YJA Starê li artêşa Tirk a faşîst dane artêşa Tirk şehît kirine. Hostatiya taktîk ku derketiye yek ji pêvajoya mînaka dîrokî daniye holê.
Têkoşîn û berxwedana PKK`ê ku li hember siyasetên faşîzane yên dewleta Tirk bi ser ketiye, berfireh û belav bûye. Ev yek encama îrade û israra parastina rewa ya bi rêbazên berxwedanê yên hemdem e. PKK’ê di oxira piştgiriya exlaqî û wijdanî ya berxwedana gelan mîna Şengal, Mexmûr, Bakur û Rojhilatê Sûriyeyê û seranserê Kurdistanê de fedakariyên mezin nîşan da. Tevgera me ya azadiyê ku bi artêşa xwe ya şehîdan re her kêliyê wate û nirxê lê zêde dike, bi pêşengiya jinê û têkoşîna jinê bingeha pergala mêtingeriyê dihejîne. Bi vê boneyê em di şexsê milîtana pêşeng a PKK-PAJK’ê û endama Meclîsa Fermandariya YJA-Starê hevrê Medya Egîd -ku yek ji mînakên herî xurt ên vê rastiyê ye, hemû rêhevalên ku di xeta fedayî û di israra serkeftinê de bi berxwedanî û biryardariya jiyana azad li berxwe didin silav dikin.
Em dîroka PKK’ê ya tijî lehengî û qehremanî silav dikin û helwestên wê yên azadî û mirovî pîroz dibînin. Em gelê Kurd û tevahî pêkhateyên din, hemû azadîxwaz, demokratên cîhanê ku piştgiriyê didin azadiya fîzîkî ya Rêber Abdullah Ocalan û çareserkirina pirsgirêka Kurd, silav dikin.
Em bang li hemû hêzên azadîxwaz, demokrasîxwaz û siyasî yên Kurdistanî, Ereb, cîhanî û aktîvîteyên civaka sivîl, rêxistinên jinan, yên çandî û hiqûqî dikin ku tevlî hemleyên piştevaniyê bibin. Ev hemle hêz û îradeya civakan ber bi yekkirina hewldanên ji bo pêkanîna azadiya fîzîkî ya Rêber Abdullah Ocalan, tesmîl dike. Her wiha garantiya yekane ya çareseriyên guncaw di vê pêvajoya zehmet a li herêmê û cîhanê ye.”
https://pajk.org/pkk-nasname-hevi-u-iradeya-jina-azad-u-gele-kurd-e/
