Bûyerên piştî Banga Aştî û Civaka Demokratîk a Rêber Apo wê werin şopandin.
Meşa ji Amedê ber bi Enqereyê wê bê şopandin ku bi pêşengiya Tevgera Jinên Azad (TJA) bi dirûşma “Em bi hêviyê ber bi azadiyê ve dimeşin” tê lidarxistin.
Jinên ku beşdarî meşa azadiyê bûne gotin, “Ji beşên berfireh ên civakê banga aştî û civaka demokratîk tê kirin. Ev bang ne bi rûniştinê, lê bi civakîbûnê re dikare pêk were. Lewma me ji Amedê ber bi Enqereyê dest bi meşê kirin.”
Ji endamên komîsyonê yên DEM Partiyê Celal Firat anî ziman ku li pêşiya hevdîtina bi Rêber Apo re astengiyeke hiqûqî nîne û destnîşan kir ku tenê divê îradeya siyasî bi biryardarî tevbigere.
Siyasetmedar Lezgîn Botan ragihand ku ji bo îradeya aştiyê pêk were divê Rêber Apo teqez azad bibe û got, “Birêz Ocalan bi navê gelê Kurd muzakerevanê sereke ye û divê karibe bi hemû beşên civakî re diyalogê bike.”
Pêvajoya nû ku 1’ê Cotmehê bi silava Serokê Giştî yê MHP’ê Devlet Bahçelî ya ji bo koma DEM Partiyê destpê kir, li gel ku salek li pey xwe hiştiye jî ji aliyê desthilatdariya AKP’ê ve hîn gaveke şênber nehatiye avêtin.
Li Geliyê Godernê talan dewam dike ku wê ji ber Bendava Sîlvanê di nava avê de bimîne. Li Taşkopru ya dîrokî ku ji ber bikaranîna dînamîtan zerar dîtiye, restorasyoneke seranser hate destpêkirin. Pir bi kevirê nû tê sererastkirin û tê gotin, kevirên dîrokî hatine dizîn.
