Şandeya Parlamenterên Îngilîstan-YE’yê ku ji 14 kesan pêk tê û duh ji Îngilîstanê bi rê ketin, dest bi rêze hevdîtinên dîplomasiyê ya Başûrê Kurdistan û Rojava kirin ku ji aliyê Nûnertiya Meclîsa Sûriyeya Demokratîk (MSD) a Îngilîstanê û Centre for Kurdish Progress hat organîze kirin.
Di şandeyêê de Parlementerê Partiya Muhafezeker Matt Vickers, ji Partiya Karkeran Lord David û Lord John Mann, Parlementerê Parlamanetoya Ewropayê ya Elmanyayê Lukas Sieoer MEP, Endamê Şaredariya Bajarê Mezin a Londonê Unmesh Desai, Dîrektorê Konseya Lêkolînan a Ereb-Îngilîz (Council for Arab-British Understanding) Chris Doyle, nûnerên YE’yê Hoffman û Chris Schiller cih digirin.
Di roja ewil de li Hewlêrê bi Serokê Daîreya Têkiliyên Derve ya Rêveberiya Herêma Kurdistanê Sefîn Dizayî ve hevdîtin hate kirin. Hate diyarkirin ku ew piştevaniyê didin pêngava Rêber Apo ya ji bo aşitiyê û bang li her kesên li Ewropa û Îngilîstanê hate kirin ku piştgirî bidin vê pêvajoyê.
Şande wê sibê bi Serokwezîrê Herêma Kurdistanê Mesrûr Barzanî û Serokê Partiya Demokrat a Kurdistanê (PDK) Mesûd Barzanî re hevdîtinê bikin. Şande wê rojên pêş jî derbasî Rojava bibe û bi Fermandarê Giştî yê QSD’ê Mazlûm Ebdî, Hevserokê Daîreya Têkiliyên Derve ya Rêveberiya Xweser Îlham Ehmed û rayedarên din re hevdîtinê bikin.
